തെക്ക് കിഴക്കന്‍ ഏഷ്യയില്‍ ഇന്‍ഡ്യന്‍ മഹാസമുദ്രത്തില്‍ സ്ഥിതി ചെയ്യുന്ന ദ്വീപ് രാഷ്ട്രം. കാന്‍ബറ തലസ്ഥാനമായ രാജ്യത്തെ ജനങ്ങളില്‍ ക്വാക്കേഷ്യന്‍ വംശജര്‍ 95%, ഏഷ്യന്‍ വംശജര്‍ 4%, ആദിവാസി ഗോത്രം 1%. ഔദ്യോഗിക ഭാഷയായ ഇംഗ്ലീഷിനോടൊപ്പം ഗോത്രഭാഷകളും ഉപയോഗിക്കുന്നു. ജനങ്ങളില്‍ 26% വീതം ആംഗ്ലിക്കന്‍, കത്തോലിക്ക വിശ്വാസികള്‍, 24% മറ്റു ക്രൈസ്തവ വിഭാങ്ങള്‍ക്കൊപ്പം ഇസ്ലാം, യഹൂദ, ബുദ്ധ മതവിശ്വാസികളും. ഔദ്യോഗിക കറന്‍സിയായ ഡോളര്‍ (Dollar) 100 സെന്‍റു (cents) കളായി വിഭജിച്ചിരിക്കുന്നു.
രാജ്യചരിത്രം
ബൂമറാങ് എന്ന വേട്ടയ്ക്കുള്ള ആയുധം കണ്ടുപിടിച്ച ആദിവാസി ഗോത്രങ്ങള്‍ 40,000 വര്‍ഷങ്ങള്‍ക്ക് മുന്‍പ് തെക്ക് കിഴക്കന്‍ ഏഷ്യന്‍ മേഖലയില്‍ നിന്ന് കുടിയേറിയതായി കുരുതുന്നു.
പോര്‍ട്ടുഗീസ്സ്, സ്പാനിഷ് നാവികര്‍ 17ാം നൂറ്റാണ്ടില്‍ കണ്ടെത്തിയ ദ്വീപില്‍, കാര്‍പെന്‍റേറിയ ഉള്‍ക്കടല്‍ പ്രദേശത്ത് 1606 ല്‍ ഡച്ചുകാര്‍ കപ്പലിറങ്ങി. വിവിധ ഗോത്രങ്ങള്‍ അധിവസിച്ചിരുന്ന കിഴക്കന്‍ മേഖലയില്‍ 1770 ല്‍ ക്യാപ്റ്റന്‍ ജയിംസ് കുക്ക് പര്യവേക്ഷണം നടത്തി ബ്രിട്ടണു വേണ്ടി അവകാശവാദം ഉന്നയിച്ചു. 1778 ജനുവരി 26 ന് ക്യാപ്റ്റന്‍ ആര്‍തര്‍ ഫിലിപ്പ് ഒരു തടങ്കല്‍ പാളയമായി New South Wales എന്ന കോളനി സ്ഥാപിച്ചു. (ഈ ദിവസം ഇന്ന് Australia Day ആയി ആചരിക്കുന്നു). സ്വാഭാവികമായും ആദ്യ കുടിയേറ്റക്കാര്‍ ബ്രിട്ടീഷ് തടവുകാരും, പട്ടാളക്കാരും, ഗവണ്മെന്‍റ് ഉദ്യോഗസ്ഥരുമായിരുന്നു. 1820 വരെ ഈ ദ്വീപ് New Holland, Botany Bay, New South Wales എന്നീ പേരുകളില്‍ അറിയപ്പെട്ടിരുന്നു.
വ്യാപകമായ കുടിയേറ്റങ്ങളില്‍ New South Wales (1786), Tasmania - അന്ന് Van Diemen's Land (1825), Western Australia (1829), South Australia (1834), Victoria (1851), Queens Land (1859) എന്നീ കോളനികള്‍ സ്ഥാപിക്കപ്പെട്ടു. 1830 ഓട് കൂടി ബ്രിട്ടീഷുകാര്‍ ദ്വീപ് പൂര്‍ണമായും തങ്ങളുടേതാണെന്ന് അവകാശവാദം ഉന്നയിച്ചു. 1850 ല്‍ ബ്രിട്ടീഷ് പാര്‍ലമെന്‍റ് പസ്സാക്കിയ ഒരു നിയമപ്രകാരം ആസ്ട്രേലിയന്‍ കോളനികള്‍ സ്വന്തമായി ഒരു ഭരണഘടന രൂപീകരിച്ച്, സ്വയംഭരണ അവകാശമുള്ള ഫെഡറേഷന്‍ രൂപീകരിച്ചു. 1851 - 61 കാലഘട്ടത്തില്‍ കണ്ടെത്തിയ സ്വര്‍ണ്ണ നിക്ഷേപങ്ങള്‍ ആസ്ട്രേലിയയെ സമ്പത്തികമായി ഉന്നതിയില്‍ എത്തിച്ചു.
ആസ്ട്രേലിയയിലെ ആറ് കോളനികള്‍, സംസ്ഥാനങ്ങള്‍ എന്ന പദവിയോടുകൂടി 1901 ജനുവരി ഒന്നിന് ബ്രിട്ടീഷ് പാര്‍ലമെന്‍ററി സംവിധാനങ്ങളും, അമേരിക്കന്‍ ഫെഡറല്‍ വ്യവസ്തകളും ഉള്‍ക്കൊള്ളിച്ച പുതിയ ഭരണഘടനപ്രകാരം ഒരു കോമണ്‍വെല്‍ത്ത് ആയി പ്രഖ്യാപിക്കപ്പെട്ടു.
ആസ്ട്രേലിയന്‍ സന്നദ്ധഭടന്മാര്‍ ഒന്നാം ലോകമഹായുദ്ധത്തില്‍ ബ്രിട്ടണു വേണ്ടി മദ്ധ്യപൂര്‍വ്വദേശത്തെ യുദ്ധമുന്നണിയില്‍ പോരാടി. 1931 ലെ വെസ്റ്റ്മിനിസ്റ്റര്‍ ഉടമ്പടി പ്രകാരം ആസ്ട്രേലിയ പൂര്‍ണ സ്വാതന്ത്ര്യം നേടി. രണ്ടാം ലോകമഹായുദ്ധത്തില്‍ ആസ്ട്രേലിയന്‍ പട്ടാളം ഗ്രീസ്, വടക്കന്‍ ആഫ്രിക്ക, തെക്ക് പടിഞ്ഞാറന്‍ പസിഫിക് മേഖല എന്നിവിടെങ്ങളിലെ യുദ്ധമുന്നണിയില്‍ പങ്കുചേര്‍ന്നു.
1967 ലെ ഒരു ഹിതപരിശോധനയില്‍ ആസ്ട്രേലിയന്‍ ഗോത്രങ്ങള്‍ക്ക് പൂര്‍ണ പൗരത്വവും സമത്വ അവകാശങ്ങളും നല്‍കപ്പെട്ടു. ആസ്ട്രേലിയന്‍ അധീനതയിലായിരുന്ന പാപ്പുവ ന്യൂഗിനി 1975 ലും സോളമന്‍ ദ്വീപുകള്‍ 1978 ലും സ്വാതന്ത്ര്യം നേടി. ബ്രിട്ടീഷ് പാര്‍ലമെന്‍റ് 1986 ല്‍ അംഗീകരിച്ച Australia Act പ്രകാരം ബ്രിട്ടണ്‍ ആസ്ട്രേലിയക്കുമേലുള്ള എല്ലാ അവകാശങ്ങളും അവസാനിപ്പിച്ചു.
 |
| ആസ്ട്രേലിയയുടെ ഭൂപടം |
 |
| ആസ്ട്രേലിയയുടെ ദേശീയ പതാക |
 |
| ആസ്ട്രേലിയയുടെ ദേശീയ ചിഹ്നം |
 |
| 1966 വരെ നിലവിലുണ്ടായിരുന്ന | 12 Pence = 1 Shilling | 20 Shillings = 1 Pound | എന്ന നാണയ വ്യവസ്തയിലെ നാണയങ്ങള്‍ |
 |
| 1966 ഫെബ്രുവരി 14 ന് നിലവില്‍ വന്ന ഡെസിമല്‍ സിസ്റ്റം അനുസരിച്ചുള്ള നാണയം. | (എലിസബത്ത് രാജ്ഞിയുടെ വിവിധ ചിത്രങ്ങളോടു കൂടി) |
 |
| ആസ്ട്രേലിയയുടെ നിറങ്ങളിലുള്ള നാണയങ്ങള്‍ |
 |
| 2015 ല്‍ ആസ്ട്രേലിയ / ന്യൂസിലാന്‍റ് ല്‍ നടന്ന ICC World Cup ക്രിക്കറ്റ് മത്സരത്തോടനുബന്ധിച്ച് പുറത്തിറക്കിയ സ്മാരകനാണയം. കോണ്‍കേവ് /കോണ്‍വെക്സ് രൂപത്തിലുള്ള നാണയത്തില്‍ ക്രിക്കറ്റ് ബോളും ബ്രിസ്ബൈന്‍ ക്രിക്കറ്റ് സ്റ്റേഡിയവും ചിത്രീകരിച്ചിരിക്കുന്നു. |
