30-09-2017- കറൻസി പരിചയം- ടിബറ്റന്‍ കറൻസി (Part-17)

ഇന്നത്തെ പഠനം
അവതരണം	Sulfeeqer Pathechali
വിഷയം	കറൻസി പരിചയം
ലക്കം	56

Tibetan Currency Continuation... (Part -17)

റ്റാം സ്രാങ് നോട്ടുകൾ (Tam srang notes)

1937-38 കാലഘട്ടങ്ങളിൽ നാനാവർണ്ണങ്ങളോട് കൂടി പുറത്തിറങ്ങിയ പുതിയ നോട്ടുകളാണ് 100 tam srang നോട്ടുകൾ.

പ്രത്യേകതകൾ: മുൻ tam നോട്ടുകളിൽ ഉണ്ടായിരുന്നത് പോലെ എട്ട് മൂലകളുള്ള (octagonal) ചുവപ്പു സീലും, ടിബറ്റൻ ഭാഷയിൽ "Srid zhi dpal ´bar" (meaning: "A peaceful government (generates) prosperity") എന്ന് രേഖപ്പെടുത്തിയ പുതിയ തരം കറുത്ത സീലുമാണ് ഈ 100 tam srang നോട്ടുകളുടെ പ്രത്യേകത. എന്നാൽ മുൻപ് ഇറങ്ങിയ tam നോട്ടുകളുടെ മുൻവശത്ത് ഉണ്ടായിരുന്ന നാല് വരി ലിഖിതങ്ങൾക്കു പകരം 100 tam srang നോട്ടുകളിൽ രണ്ടു വരി ലിഖിതങ്ങൾ മാത്രമാണ് ഉണ്ടായിരുന്നത്.

സ്രാങ് നോട്ടുകൾ (Srang notes)

100 tam srang നോട്ടുകൾ പുറത്തിറങ്ങി ഏറെ താമസിയാതെ തന്നെ ഇവ "srang" എന്ന denomination-ലേക്ക് മാറ്റപ്പെട്ടു. 1939 നും 1945 നും ഇടയിലും, വീണ്ടും 1951 മുതൽ 1959 വരെയുള്ള വർഷങ്ങളിലുമായിരുന്നു ഇവ പുറത്തിറക്കിയിരുന്നത്. എങ്കിലും നോട്ടുകളിൽ ഇവ പ്രിന്റു ചെയ്ത വർഷം രേഖപ്പെടുത്തിയിരുന്നില്ല.

പിന്നീട് 10, 5, 25 എന്ന denomination- കളിലുള്ള srang നോട്ടുകൾ കൂടി പുറത്തിറങ്ങി.1940-ൽ മൂന്ന് നിറങ്ങളിൽ (ചുവപ്പ്, നീല, കറുപ്പ്) T.E. 1686 എന്ന വർഷം രേഖപ്പെടുത്തി മെഷീനറി ഉപയോഗിച്ച് പ്രിന്റ് ചെയ്ത 10 srang നോട്ടുകൾ ഇഷ്യൂ ചെയ്യപ്പട്ടു. ഇവയുടെ പ്രിന്റിങ് T.E. 1694 (= AD 1948) വരെ നീണ്ടു.

1942 മുതൽ 1946 വരെയുള്ള കാലയളവിൽ 5 srang നോട്ടുകൾ ഇഷ്യൂ ചെയ്യപ്പെട്ടു.ഇവയിൽ വർഷം രേഖപ്പെടുത്തിയിരുന്നില്ല. അവസാനമായി ഇഷ്യൂ ചെയ്യപ്പെട്ടത് 25 srang നോട്ടുകളാണ്. 1950-ൽ പുറത്തിറങ്ങി 1955-ൽ ഇവയുടെ പ്രിന്റിങ് നിർത്തിവച്ചു.

srang നോട്ടുകളുടെ പൊതുവായ പ്രത്യേകതകൾ: എല്ലാ srang നോട്ടുകളും ടിബറ്റിൽ തന്നെ നിർമ്മിച്ച പേപ്പറുകളിൽ ഗവണ്മെന്റ് മിന്റായ Trabshi Lekhung-ൽ മെഷിനറി ഉപയോഗിച്ച് പ്രിന്റ് ചെയ്തവയാണ്. ഇവ പ്രിന്റ് ചെയ്യാനുള്ള മഷി ഇന്ത്യയിൽ നിന്നായിരുന്നു ഇറക്കുമതി ചെയ്തത്. ഇവയിലെ അക്കങ്ങൾ എല്ലാം പ്രത്യേക പരിശീലനം നേടിയ ടിബറ്റൻ calligraphists കറുത്ത മഷി ഉപയോഗിച്ച് കൈകൊണ്ടാണ് എഴുതിയിരുന്നത്. 10 srang നോട്ടുകളുടെ മുൻവശത്ത് നാല് വരി ലിഖിതങ്ങൾ രേഖപ്പെടുത്തിയിട്ടുണ്ട്. എന്നാൽ 100, 5, 25 srang നോട്ടുകളിൽ രണ്ട് വരി ലിഖിതങ്ങൾ ആണുള്ളത്. വൃത്താകൃതിയിലുള്ള പുതിയ ചുവന്ന സീലും ചതുരാകൃതിയിലുള്ള കറുത്ത സീലും ഇവയുടെ മുൻവശത്ത് പതിച്ചിരിക്കുന്നു.

1959-ൽ എല്ലാ ടിബറ്റൻ നോട്ടുകളും പിൻവലിക്കപ്പെടുകയും പകരം ചൈനയുടെ കറൻസിയായ Renminbi Yuan നിലവിൽ വരികയും ചെയ്തു. Tibetan Currency - END

27-09-2017- പത്രവർത്തമാനങ്ങൾ- International Herald Tribune

ഇന്നത്തെ പഠനം
അവതരണം	Ashwin Ramesh
വിഷയം	ലോകത്തിലെ പത്ര വർത്തമാനങ്ങൾ
ലക്കം	24

International Herald Tribune 

 (ഇന്റർനാഷണൽ ഹെറാൾഡ് ട്ട്രിബ്യൂൺ ) 

ഇന്റർനാഷണൽ ഹെറാൾഡ് ട്ട്രിബ്യൂൺ 160ൽ അധികം രാജ്യങ്ങളിൽ വിതരണം ചെയ്യപ്പെടുന്നു ഒരു അന്തർദേശീയ ഇംഗ്ലീഷ് ദിനപത്രമാണ്. 1887ൽ പാരിസ് ഹെറാൾഡ് എന്ന പേരിൽ തുടങ്ങിയ ഈ പത്രം ഇന്ന് ഇന്റർനാഷണൽ ന്യൂ യോർക്ക് ടൈംസ് എന്ന പേരിൽ ബ്രോഡ്ഷീറ്റ് രൂപത്തിലാണ് അച്ചടിക്കുന്നത്. എന്റെ ശേഖരത്തിൽ ഈ പത്രത്തിന്റെ 26 രാജ്യങ്ങളുടെ എഡീഷനുകൾ ഉണ്ട്. പല രാജ്യങ്ങളിൽ നിന്ന് അച്ചടിക്കുന്നതു കൊണ്ടാവാം ഇവയിൽ പലതും പല വലുപ്പതിലുള്ളവയാണ്.

26-09-2017- പണത്തിലെ വ്യക്തികൾ- മാർട്ടിൻ ലൂഥർ കിംഗ്

ഇന്നത്തെ പഠനം
അവതരണം	Jayakiran
വിഷയം	പണത്തിലെ വ്യക്തികൾ
ലക്കം	18

മാർട്ടിൻ ലൂഥർ കിംഗ്

ജൂനിയർ അമേരിക്കയിൽ കറുത്തവർഗ്ഗക്കാർക്ക് പൗരാവകാശങ്ങൾ നേടിയെടുക്കാൻ വേണ്ടി പ്രവർത്തിച്ച പ്രധാനനേതാക്കളിൽ ഒരാളാണ് മാർട്ടിൻ ലൂതർ കിംഗ് ജൂനിയർ (1929 ജനുവരി 15- 1968 ഏപ്രിൽ 4). വർണ്ണവിവേചനത്തിനെതിരെയുള്ള സമരം അദ്ദേഹത്തിനു 1964ലെ സമാധാനത്തിനുള്ള നോബൽ സമ്മാനംനേടിക്കൊടുത്തു. നോബൽ സമ്മാനം ലഭിച്ച ഏറ്റവും പ്രായം കുറഞ്ഞ വ്യക്തിയായിരുന്നു കിംഗ്. 1955-1956ലെ മോണ്ട്ഗോമറി ബസ് ബഹിഷ്കരണസമരത്തിനു നേതൃത്വം നൽകിയത് കിംഗ് ആയിരുന്നു. 1963ൽ അദ്ദേഹം വാഷിങ്ങ്ടണിലേക്ക് നടത്തിയ മാർച്ചിലെ "എനിക്കൊരു സ്വപ്നമുണ്ട്" (I Have a Dream) എന്ന പ്രസംഗം വളരെ പ്രശസ്തമാണ്. 1968 ഏപ്രിൽ 4നു ടെന്നസി സംസ്ഥാനത്തിലെ മെംഫിസ്നഗരത്തിലെ ലൊറേൻ മോട്ടലിൽ ജയിംസ് ഏൾ റേ എന്ന വെള്ളക്കാരന്റെ വെടിയേറ്റ് കിംഗ് മരണമടഞ്ഞു.

 വർണ്ണവിവേചനത്തിനു എതിരെ പടപൊരുതിയ മാർട്ടിൻ ലൂഥറിനെ ആദരിച്ചുകൊണ്ട് ആഫ്രിക്കൻ രാജ്യമായ ലൈബീരിയ ഇറക്കിയ നാണയം.

23-09-2017- കറൻസി പരിചയം- ടിബറ്റന്‍ കറൻസി (Part-16)

ഇന്നത്തെ പഠനം
അവതരണം	Sulfeeqer Pathechali
വിഷയം	കറൻസി പരിചയം
ലക്കം	55

Tibetan Currency Continuation... (Part - 16)

നാനാവർണ്ണങ്ങളോട് കൂടിയ 50 റ്റാം നോട്ടുകൾ. (Multicoloured 50 tam notes)

1913 (T.E 1659) മുതല്‍ നിലവിലുണ്ടായിരുന്ന നീല നിറമുള്ള 50 റ്റാം നോട്ടുകളുടെ വ്യാജകറൻസികൾ വ്യാപകമായി പ്രചരിച്ചതിനെ തുടർന്ന് ടിബറ്റൻ ഗവണ്മെന്റ് പുതിയ 50 tam നോട്ടുകൾ പുറത്തിറക്കാൻ നിർബന്ധിതരായി. അങ്ങിനെ 1926-ൽ (T.E. 1672) നാനാവർണ്ണങ്ങളോട് കൂടിയ multicoloured 50 tam നോട്ടുകൾ ഇഷ്യൂ ചെയ്തു. ഈ നോട്ടുകൾ 1941 വരെ (T.E. 1687) എല്ലാ വർഷവും പ്രിന്റ് ചെയ്തു പുറത്തിറങ്ങി. 

ടിബറ്റിൽ ആദ്യമായി മെഷിനറി ഉപയോഗിച്ച് സങ്കീർണ്ണമായ രീതിയിൽ ഇഷ്യൂ ചെയ്യപ്പെട്ട നോട്ടുകളാണ് multicoloured 50 tam നോട്ടുകൾ. ഇരുവശങ്ങളിലുമുള്ള എല്ലാ ഡിസൈനുകളും വ്യത്യസ്ത നിറങ്ങളിലുള്ള metal ബ്ലോക്കുകൾ ഉപയോഗിച്ച് മെഷിനറിയുടെ സഹായത്തോടെയായിരുന്നു പ്രിന്റ് ചെയ്തിരുന്നത്. എന്നാൽ മുൻവശത്തെ നാലുവരി ലിഖിതങ്ങളും നോട്ടിന്റെ denomination -ഉം മാത്രം പഴയ രീതിയിൽ മരം കൊണ്ടുള്ള അച്ച് ഉപയോഗിച്ചാണ് പ്രിന്റ് ചെയ്തത്. കൂടാതെ നോട്ടുകളിലെ നമ്പറുകൾ പഴയ നോട്ടുകളിലേതു പോലെത്തന്നെ പ്രത്യേക പരിശീലനം നേടിയ ടിബറ്റൻ calligraphists കറുത്ത മഷി ഉപയോഗിച്ച് കൈകൊണ്ട് തന്നെയായിരുന്നു എഴുതിയിരുന്നത്. 

Multicoloured 50 tam നോട്ടുകൾ പഴയ റ്റാം നോട്ടുകളുടേതു പോലെ ഇന്ത്യയിൽ നിന്നും ഇറക്കുമതി ചെയ്ത മഷി ഉപയോഗിച്ച് ടിബറ്റിൽ തന്നെ നിർമിച്ച പേപ്പറുകളിലായിരുന്നു പ്രിന്റ് ചെയ്തിരുന്നത്. പക്ഷെ പഴയ നോട്ടുകൾ നിർമ്മിക്കാൻ ഉപയോഗിച്ച പേപ്പറുകൾ കട്ടി(thickness) കൂടിയവയും പുതിയവ കട്ടി കുറവുള്ളതുമായിരുന്നു. 

to be continued...

20-09-2017- പത്ര വർത്തമാനങ്ങൾ- Columbian Centinel

ഇന്നത്തെ പഠനം
അവതരണം	Ashwin Ramesh
വിഷയം	ലോകത്തിലെ പത്ര വർത്തമാനങ്ങൾ
ലക്കം	23

Columbian Centinel 

(കൊളംബിയൻ സെന്റിനൽ) 

കൊളംബിയൻ സെന്റിനൽ അമേരിക്കയിലെ മസാച്ചുസെറ്റ്സിലെ ബോസ്റ്റണിൽ നിന്നും ഇറങ്ങുന്ന ഒരു പ്രതിവാര പത്രമായിരുന്നു. ശേഖരത്തിൽ ഉള്ള ഈ പത്രത്തിന്റെ 1797ലെ ഒരു ഇഷ്യൂ ചിത്രത്തിൽ കാണാം. 

19-09-2017- പണത്തിലെ വ്യക്തികൾ- നിക്കോളാസ് കോപ്പർനിക്കസ്

ഇന്നത്തെ പഠനം
അവതരണം	Jayakiran
വിഷയം	പണത്തിലെ വ്യക്തികൾ
ലക്കം	17

നിക്കോളാസ് കോപ്പർനിക്കസ്

നിക്കോളാസ് കോപ്പർനിക്കസ്(ഫെബ്രുവരി 19, 1473 – മേയ് 24, 1543) ഒരു പുരോഹിതൻ ആയിരുന്നിട്ടുകൂടി ഗണിതശാസ്ത്രജ്ഞൻ, ജ്യോതിഷപണ്ഡിതൻ, ഭാഷാജ്ഞാനി എന്നീ നിലകളിൽ പ്രശസ്തനായിരുന്നു. സൂര്യൻ നിശ്ചലമാണെന്നും ഭൂമിയും മറ്റു ഗ്രഹങ്ങളും അതിനെ ചുറ്റി സഞ്ചരിക്കുകയാണെന്നും അദ്ദേഹം തെളിയിക്കുകയും ചെയ്തു. പതിനെട്ടാം വയസ്സിൽ പ്രസിദ്ധമായ ക്രാകോ സർവ്വകലാശാലയിൽ ചേർന്ന് തത്വശാസ്ത്രം, നക്ഷത്രശാസ്ത്രം, ഭൂമിശാസ്ത്രം എന്നീ ശാസ്ത്ര വിഷയങ്ങളിൽ പാണ്ഡിത്യം നേടി. 

1503-ൽ ഫെറാര യൂണിവേഴ്സിറ്റിയിൽ നിന്നും നിയമത്തിൽ ഡോക്ടറേറ്റ് ബിരുദം നേടുകയും ചെയ്തു. പിന്നീട് പിസായിലെ മെഡിക്കൽ കോളേജ് വിദ്യാർത്ഥിയുമായി. ഗ്രീക്ക്, അറബിക് പണ്ഡിതന്മാർ രചിച്ച ജ്യോതിശാസ്ത്ര സിദ്ധാന്തങ്ങളും ഗണിതനിയമങ്ങളുമായിരുന്നു നിക്കോളാസ് കോപ്പർനിക്കസ് പിന്തുടർന്നത്. തന്റെ സിദ്ധാന്തങ്ങളും നിരീക്ഷണങ്ങളും "റവലൂഷൻസ്" എന്ന പേരിൽ പ്രസിദ്ധീകരിക്കുകയും ചെയ്തിട്ടുണ്ട്. ഇന്ന് കോപ്പർനിക്കസിനെ ആധുനിക ജ്യോതിശ്ശാസ്‌ത്രത്തിന്‍റെ പിതാവായി ആദരിക്കുന്നു. “ഏറെക്കാലം വിശ്വസിച്ചുപോന്നിരുന്ന ശാസ്‌ത്രധാരണകൾ തകർന്നുടയാൻ എത്രയെളുപ്പമാണെന്ന് തന്‍റെ കൃതിയിലൂടെ നമുക്കു കാണിച്ചുതന്നതു കോപ്പർനിക്കസാണ്‌ ". ഗവേഷണം, നിരീക്ഷണം, ഗണിതം എന്നിവയിലൂടെ രൂഢമൂലമായിരുന്ന മതപരവും ശാസ്‌ത്രീയവുമായ മിഥ്യാധാരണകളെ അദ്ദേഹം കടപുഴക്കി. ജനമനസ്സുകളിൽ അദ്ദേഹം “സൂര്യനെ നിശ്ചലനാക്കി, ഭൂമിയെ ചലിപ്പിച്ചു.” 

 കോപ്പർനിക്കസിനെ ആദരിച്ചു കൊണ്ട്, അദ്ദേഹത്തിന്റെ മാതൃ രാജ്യമായ പോളണ്ട് ഇറക്കിയ ഒരു പഴയ കാല നാണയം.

16-09-2017- കറൻസി പരിചയം- ടിബറ്റന്‍ കറൻസി (Part-15)

ഇന്നത്തെ പഠനം
അവതരണം	Sulfeeqer Pathechali
വിഷയം	കറൻസി പരിചയം
ലക്കം	60

Tibetan Currency Continuation... (Part - 15)

Tibetan Tam Bank Notes (റ്റാം ബാങ്ക് നോട്ടുകൾ)

  

ഇരുപതാം നൂറ്റാണ്ടിൽ ലോകത്തു നിലവിലുണ്ടായിരുന്ന ബാങ്ക് നോട്ടുകളിൽ ഏറ്റവും മനോഹരവും കലാപരവുമായ നോട്ടുകളിൽ ഒന്നായിരുന്നു ടിബറ്റൻ നോട്ടുകൾ. 1913 ജനുവരിയിലാണ് ആദ്യമായി ടിബറ്റിൽ ബാങ്ക് നോട്ടുകൾ ഇഷ്യൂ ചെയ്യപ്പെട്ടത്. ഇവ പച്ച/നീല നിറങ്ങളിലുള്ള 5 tam നോട്ടുകളും ചുവപ്പ് നിറത്തിലുള്ള 10 tam നോട്ടുകളുമായിരുന്നു. ഈ നോട്ടുകളിൽ ടിബറ്റൻ വർഷമായ (Tibetan Era) 1658 (ജോർജിയൻ കലണ്ടർ പ്രകാരം AD 1912 ഫെബ്രവരി മുതൽ 1913 ഫിബ്രവരി വരെ) എന്നായിരുന്നു രേഖപ്പെടുത്തിയിരുന്നത്.ഈ നോട്ടുകളിൽ ദലൈലാമയുടെ അധികാരത്തെ പ്രതിനിധാനം ചെയ്യുന്ന ഒരു ചുവപ്പു മുദ്രയും(Red seal) സർക്കാർ ട്രഷറി/ സർക്കാർ ബാങ്ക് എന്നർത്ഥം വരുന്ന ടിബറ്റൻ ലിഖിതങ്ങളായ 'gzhung dngul khang' എന്ന ഒരു കറുപ്പ് മുദ്രയും(Black seal) അടങ്ങിയിരുന്നു. 

T.E (Tibetan Era) 1659- ൽ വീണ്ടും പുതിയ denomonation-കളിൽ കൂടുതൽ ബാങ്ക് നോട്ടുകൾ പുറത്തിറങ്ങി. 1659 എന്ന ടിബറ്റൻ വർഷം രേഖപ്പെടുത്തി ചുവപ്പു നിറമുള്ള 10 tam, വയലറ്റ് നിറമുള്ള 15 tam, തവിട്ട്/ മഞ്ഞ നിറമുള്ള 25 tam, നീല/പർപ്പിൾ നിറമുള്ള 50 tam എന്നിവയായിരുന്നു ഇവയുടെ denomination-കൾ. കൂടാതെ 1659-ൽ 5 tam നോട്ടുകൾ അച്ചടിക്കുന്നത് തുടർന്നുവെങ്കിലും അവയിൽ പഴയ വർഷം തന്നെയാണ് (T.E 1658) രേഖപ്പെടുത്തിയിരുന്നത്. 

ഈ നോട്ടുകളെല്ലാം തദ്ദേശീയമായി ഉൽപ്പാദിപ്പിക്കപ്പെട്ട പേപ്പറുകളിൽ മരം കൊണ്ടുള്ള അച്ച് ഉപയോഗിച്ച് ഡിസൈനുകൾ പ്രിന്റ് ചെയ്താണ് (woodblock printing) നിർമ്മിച്ചിരുന്നത്. (ചിത്രം കാണുക). നോട്ടുകളിലെ നമ്പറുകൾ പ്രത്യേകപരിശീലനം നേടിയ ടിബറ്റൻ കയ്യെഴുത്തുപ്രതി വിദഗ്ധർ (Calligraphists) കറുത്ത മഷി ഉപയോഗിച്ച് കൈ കൊണ്ടായിരുന്നു എഴുതിയിരുന്നത്. മാത്രമല്ല, എല്ലാ tam നോട്ടുകളുടെ മുൻവശത്തും ടിബറ്റൻ ഭാഷയിൽ ചില ലിഖിതങ്ങൾ കാണാം (ചിത്രം കാണുക). 

1930-കളിൽ ഈ നോട്ടുകൾ വിനിമയത്തിൽ നിന്നും പിൻവലിക്കപ്പെട്ടു. 

to be continued...

13-09-2017- പത്രവർത്തമാനങ്ങൾ- The London Chronicle

ഇന്നത്തെ പഠനം
അവതരണം	Ashwin Ramesh
വിഷയം	ലോകത്തിലെ പത്രവർത്തമാനങ്ങൾ
ലക്കം	29

The London Chronicle (ദി ലണ്ടൻ ക്രോണിക്കിൾ)

ദിലണ്ടൻ ക്രോണിക്കിൾ 1757 മുതൽ 1765 വരെ യൂണിവേഴ്സൽ ഈവനിങ്ങ് പോസ്റ്റ് എന്ന പേരിലായിരുന്നു ഇറങ്ങിയിരുന്നത്. 1765ൽ ലണ്ടൻ ക്രോണിക്കിൾ എന്ന പേരിൽ പ്രവർത്തിക്കുമ്പോഴാണ് ഈ പത്ര കമ്പനിയെ കൊമേഴ്സിയൽ ക്രോണിക്കൽ ഏറ്റെടുത്തത്. തുടർന്ന് യൂണിവേഴ്സൽ ഈവനിങ്ങ് പോസ്റ്റ് എന്ന പേരിൽ ഇറങ്ങിയെങ്കിലും, 1823ൽ അച്ചടിനിർത്തലാവുകയായിരുന്നു. ഈ പത്രത്തിന്റെ നവംമ്പർ 17, 1788ലെ ഇഷ്യൂ ചിത്രത്തിൽ കാണാം.

12-09-2017- പണത്തിലെ വ്യക്തികൾ- വിക്ടർ യൂഗോ

ഇന്നത്തെ പഠനം
അവതരണം	Jayakiran
വിഷയം	പണത്തിലെ വ്യക്തികൾ
ലക്കം	15

വിക്ടർ യൂഗോ(1802 — 1885) 

ഒരു ഫ്രഞ്ച് കവിയും നോവലിസ്റ്റും,നാടകകൃത്തും, ഉപന്യാസകാരനും,ദൃശ്യകലാകാരനും, മനുഷ്യാവകാശ പ്രവർത്തകനും ആയിരുന്നു. ഫ്രാൻസിലെ കാല്പനികതാ പ്രസ്ഥാനത്തിലെ ഏറ്റവും പ്രബലനായ വക്താവും വിക്ടർ യൂഗോ ആയിരുന്നു. 

ഫ്രാൻസിൽ യൂഗോയുടെ സാഹിത്യ സംഭാവനകളിൽ അദ്ദേഹത്തിന്റെ കവിതകളും നാടകങ്ങളുമാണ് ഏറ്റവും പ്രധാനമായി കരുതുന്നത്. യൂഗോയുടെ പല വാല്യങ്ങളിലായുള്ള കവിതകളിൽ ലെ കൊണ്ടമ്പ്ലേഷൻസ്, ലാ ലെജാന്റ് ദെ സീക്ലിസ് എന്നിവ നിരൂപകരുടെ ഇടയിൽ മഹത്തരമായി കരുതപ്പെടുന്നു. യൂഗോയെ പലപ്പോഴും ഏറ്റവും മഹാനായ ഫ്രഞ്ച് കവി എന്ന് വിശേഷിപ്പിക്കാറുണ്ട്. ഇംഗ്ലീഷ്സംസാരിക്കുന്ന ലോകത്ത് യൂഗോയുടെ ഏറ്റവും പ്രധാന കൃതികളായി കരുതുന്നത് യൂഗോയുടെ നോവലുകളായ ലേ മിസറാബ്ലെ' (പാവങ്ങൾ), നോത്ര്ദാം ദ് പറീ(ഈ പുസ്തകത്തിന്റെ മലയാളം തർജ്ജിമ "നോത്ര്ദാമിലെ കൂനൻ" എന്നാണ് അറിയപ്പെടുന്നത്. അദ്ദേഹം പാവങ്ങൾ എഴുതിയതിനെപ്പറ്റി രസകരമായ ഒരു കഥ പറഞ്ഞു കേൾക്കുന്നത്, ഇത് എഴുതുമ്പോൾ അദ്ദേഹം പൂർണ നഗ്നനായാണ് എഴുതിയത്. ശ്രദ്ധ മറ്റെവിടേക്കും പോകാതിരിക്കാനായിരുന്നു ഇത്. യൂഗോയുടെ കൃതികൾ പ്രധാനമായും രാ‍ഷ്ട്രീയ സാമൂഹിക പ്രശ്നങ്ങളെയും ആ കാലഘട്ടത്തിലെ കലയുടെ ദിശയെയും കാണിക്കുന്നു.

വിക്ടർ യുഗോയെ ആദരിച്ചു കൊണ്ട് ഫ്രഞ്ച് സർക്കാർ ഇറക്കിയ പത്ത് ഫ്രാങ്ക് നാണയം.

09-09-2017- കറൻസി പരിചയം- ടിബറ്റന്‍ കറൻസി (Part-14)

ഇന്നത്തെ പഠനം
അവതരണം	Sulfeeqer Pathechali
വിഷയം	കറൻസി പരിചയം
ലക്കം	53

Tibetan Currency Continuation... (Part- 14)

Sichuan Rupees (Tibetan Rupees)

19-ആം നൂറ്റാണ്ടിൻ്റെ രണ്ടാം പകുതിയിലും 20-ആം നൂറ്റാണ്ടിന്റെ തുടക്കത്തിലും ടിബറ്റൻ വ്യാപാരികൾക്കിടയിൽ ബ്രിട്ടീഷ്-ഇന്ത്യൻ നാണയങ്ങളുടെ പ്രശസ്തി മനസിലാക്കിയ ചൈനീസ് അധികാരികൾ 1902-ൽ ടിബറ്റിനു വേണ്ടി തങ്ങളുടെ സ്വന്തം നാണയങ്ങൾ അടിച്ചിറക്കാൻ തീരുമാനിച്ചു. ഈ ചൈനീസ് നാണയങ്ങളുടെ പരമ്പര Sichuan Rupees അല്ലെങ്കിൽ Tibetan Rupees എന്നറിയപ്പെടുന്നു. വിക്ടോറിയ രാജ്ഞിയുടെ ഛായാചിത്രം ആലേഘനം ചെയ്തുകൊണ്ടു 1840-ൽ ആദ്യമായി ഇഷ്യൂ ചെയ്ത ബ്രിട്ടീഷ് ഇന്ത്യൻ വെള്ളി നാണയങ്ങൾ (British Indian Rupees) അനുകരിച്ചാണ് ചൈന ഈ നാണയങ്ങൾ നിർമ്മിച്ചത്. ബ്രിട്ടീഷ് ഇന്ത്യൻ നാണയങ്ങളിലെ വിക്ടോറിയ രാജ്ഞിയുടെ ഛായാചിത്രത്തിനു പകരം Quang Xu ചക്രവർത്തിയുടെ ഛായാചിത്രമാണ് Sichuan നാണയങ്ങളിൽ ചൈന ആലേഘനം ചെയ്തിട്ടുള്ളത്. ടിബറ്റിലും പടിഞ്ഞാറൻ ചൈനയിലെ ടിബറ്റൻ ജനസംഖ്യ കൂടുതലുള്ള പ്രദേശങ്ങളിലും മാത്രമായുള്ള ഉപയോഗത്തിനായാണ് ഈ നാണയങ്ങൾ നിർമ്മിക്കപ്പെട്ടത്. തുടക്കത്തിൽ അടിച്ചിറക്കിയ Sichuan നാണയങ്ങൾ ( Chengdu mint- ൽ നിന്നും അടിച്ചിറക്കിയവ) ബ്രിട്ടീഷ് ഇന്ത്യൻ നാണയങ്ങളെപ്പോലെത്തന്നെ നല്ല വെള്ളിയിൽ (good silver) നിർമ്മിക്കപെട്ടവയായിരുന്നതുകൊണ്ട് ടിബറ്റുകാർക്കിടയിൽ ഏറെക്കുറെ പ്രശസ്തി നേടിയിരുന്നു.എന്നാൽ പിൽക്കാലത്തു അടിച്ചിറക്കിയ നാണയങ്ങളിൽ (പ്രത്യേകിച്ച് Kangding മിന്റിൽ നിന്നും അടിച്ചിറക്കിയവ) വെള്ളിയോടൊപ്പം ഗണ്യമായ അളവിൽ മറ്റു ലോഹക്കൂട്ടുകൾ ചേർത്ത് നിർമ്മിക്കപെട്ടവയായിരുന്നതിനാൽ ടിബറ്റൻ വ്യാപാരികൾക്കിടയിൽ ഇവയുടെ സ്വീകാര്യത കുറയാൻ അത് കാരണമായി. 

Sichuan നാണയങ്ങളെ താഴെ പറയുന്ന രീതിയിൽ ചുരുക്കത്തിൽ വിവരിക്കാം: 

മുൻവശത്തു Quang Xu ചക്രവർത്തിയുടെ ഛായാചിത്രം ആലേഘനം ചെയ്തിരിക്കുന്നു. പിൻവശത്തു മധ്യത്തിലായി നീളത്തിലോ കുറുകെയോ ഒരു റോസാപ്പൂ/താമരപ്പൂ ആകൃതിയിലുള്ള പൂവ് കൊണ്ട് അലങ്കരിച്ചിരിക്കുന്നു.അതിനു ചുറ്റും 4 ചൈനീസ് അക്ഷരങ്ങൾ മുകളിൽ നിന്ന് താഴേക്ക്, വലതു നിന്ന് ഇടത്തേക്കും 'si chuan sheng zao' (സിച്ചുവനിൽ നിമ്മിക്കപ്പെട്ടവ) എന്ന് എഴുതിയിരിക്കുന്നു. ചുറ്റും പൂക്കളും ഇലകളും കൊണ്ടുള്ള വള്ളി കൊണ്ട് അലങ്കരിച്ചിരിക്കുന്നു. 

Sichuan നാണയങ്ങളുടെ നാല് പ്രധാന ഇനങ്ങൾ:  

1) 1902 മുതൽ 1911 വരെ Chengdu mint- ൽ നിർമ്മിക്കപെട്ടവ. നാണയത്തിൻ്റെ ഒരു വശത്തു കോളർ ഇല്ലാത്ത വസ്ത്രം ധരിച്ച Quang Xu ചക്രവർത്തിയുടെ ഛായാചിത്രം. മറുവശത്തു മധ്യത്തിലായി നീളത്തിലോ കുറുകെയോ ഒരു റോസാപ്പൂ/താമരപ്പൂ ആകൃതിയിലുള്ള പൂവ് കൊണ്ട് അലങ്കരിച്ചിരിക്കുന്നതും കാണാം.  

2) 1912 മുതൽ 1916 വരെ Chengdu mint- ൽ നിർമ്മിക്കപെട്ടവ. നാണയത്തിൻ്റെ മുൻവശത്ത് കോളർ ഉള്ള വസ്ത്രം ധരിച്ച Quang Xu ചക്രവർത്തിയുടെ ഛായാചിത്രം.  

3) 1930 മുതൽ 1935 വരെ Kangding mint- ൽ നിമ്മിക്കപ്പെട്ടവ. നാണയത്തിൻ്റെ മുൻവശത്ത് കോളർ ഉള്ള വസ്ത്രം ധരിച്ച,പരന്ന മൂക്കുള്ള Quang Xu ചക്രവർത്തിയുടെ ഛായാചിത്രം.  

4) 1936 മുതൽ 1942 വരെ Kangding mint- ൽ നിമ്മിക്കപ്പെട്ടവ. Quang Xu ചക്രവർത്തിയുടെ ഛായാചിത്രം ആലേഘനം ചെയ്തിരിക്കുന്നു. 

ആദ്യകാലത്ത് Chengdu mint- ൽ വെച്ച് വളരെ കുറച്ചു ¼ and ½ rupee നാണയങ്ങൾ അടിച്ചിറക്കിയെങ്കിലും അവ കൂടുതലായും വസ്ത്രങ്ങളിൽ ബട്ടൺ ആയി ഉപയോഗിക്കുകയോ അല്ലെങ്കിൽ അവ ഉപയോഗിച്ച് വെള്ളി ആഭരണങ്ങൾ നിർമ്മിക്കുകയോ ചെയ്തതിനാൽ അവയുടെ നിർമ്മാണം ഉടൻ നിർത്തലാക്കി. പിന്നീട് ചില്ലറ ലഭിക്കുന്നതിന് വേണ്ടി ചുറ്റികയും വാളും ഉപയോഗിച്ച് ഒരു രൂപ Sichuan നാണയങ്ങൾ ലംബമായി (vertically) മുറിച്ചാണ് ഉപയോഗിച്ചിരുന്നത്. ഇതിനു കാരണം നാണയം തിരശ്ചീനമായി/സമാന്തരമായി (horizontally) മുറിക്കുന്നതിലൂടെ പ്രതീകാത്മകമായി ചക്രവർത്തിയുടെ ശിരസ് ഛേദിക്കുന്നതിന് തുല്യമായതിനാൽ (symbolic beheading) അതിലൂടെ ചൈനക്കാരുടെ വികാരങ്ങളെ മുറിവേല്പിക്കുന്നതിനെ ടിബറ്റുകാർ ഇഷ്ടപ്പെട്ടിരുന്നില്ല എന്നതാണ്. എന്നാൽ വളരെ ചുരുക്കം ചില നാണയങ്ങൾ ഇത്തരത്തിൽ തിരശ്ചീനമായി/സമാന്തരമായി (horizontally) മുറിച്ചവയും കാണാം. 

ആകെ 130,000 ½ rupee നാണയങ്ങളും 120,000 ¼ rupee നാണയങ്ങളും ആണ് നിർമ്മിക്കപ്പെട്ടിട്ടുള്ളത്.1902 മുതൽ 1942 വരെ ഏകദേശം 25,500,000-നും 27,500,000-നും ഇടയിൽ Sichuan rupees നിർമ്മിക്കപ്പെട്ടിട്ടുണ്ടെന്നാണ് കണക്കാക്കുന്നത്. 

1944 വരെ ( Republic of China രൂപപ്പെട്ട് 33-ആം വർഷം വരെ) Sichuan Rupees ചൈന അടിച്ചിറക്കുന്നത് തുടർന്നു. 

to be continued...