02-07-2018- പുരാവസ്തു പരിചയം- മുളകൊണ്ടുള്ള വീട്ടുപകരണങ്ങള്‍

ഇന്നത്തെ പഠനം
അവതരണം	Sajad Karulayi
വിഷയം	പുരാവസ്തു പരിചയം
ലക്കം	17

മുളയില്‍ നെയ്തെടുത്ത വീട്ടുപകരണങ്ങള്‍

പെരുമ്പറയന്‍ സമുദായക്കാരുടെ കുലത്തൊഴിലായ കൊട്ടനെയ്ത്തിന്‍റെ ഭാഗമായി തന്നെ അവര്‍ മെടഞ്ഞ് നല്‍കുന്ന വീട്ടുപകരണങ്ങള്‍ ആണ് താഴെ കാണുന്ന ചിത്രത്തിലുള്ളത്.

1) പുതിയരികൊട്ട: പഴയകാലതലമുറക്കാര്‍ എന്നും പാകം ചെയ്യാന്‍ അരിയെടുക്കുബോള്‍ അല്പം (ഒരു കൈപ്പിടിയിലൊതുങ്ങുന്ന അരി) ഇതില്‍ വാരിയിടുന്ന (നിക്ഷേപിക്കുന്ന) ഒരു രീതിയുണ്ടായിരുന്നു. 

2) കറ്റതട്ട്: പാടത്ത് നെല്ല് കൊയ്തതിന് ശേഷം കണ്ടത്ത് വീണ് പോയ കതിരുകള്‍ പെറുക്കിയിടാന്‍ ഉപയോഗിക്കുന്നതാണിത്. 

3) വിശറി: ഫാനൊന്നും വ്യാപകമാകാത്ത കാലത്ത് വീശാന്‍ ഉപയോഗിച്ചിരുന്നത്...

4) കൊഴലന്‍ കുട്ട: കൂടുതല്‍ നെല്ല് എടുത്ത് വക്കാന്‍ ഉപയോഗിക്കുന്ന കുട്ടയാണ് കുഴലന്‍ കുട്ട.

5) കുരുവ: നാട്ടിന്‍പുറങ്ങളില്‍ മീന്‍ പിടുത്തക്കാര്‍ പിടിച്ച മീനിനെ ഇട്ടു വക്കാന്‍ ഉപയോഗിച്ചിരുന്ന കൊട്ട.

6) പൂഴികൊട്ട: മണ്ണു വാരാന്‍ ഉപയോഗിച്ചിരുന്ന കൊട്ട.

7) ചോറ്റുകൊട്ട :  ചോറുറ്റി എടുത്തു വക്കാന്‍ ഉപയോഗിച്ചിരുന്ന കൊട്ട.

8) ഊറ്റുകൊട്ട : ഇതും ചോറുറ്റി എടുത്തു വക്കാന്‍ ഉപയോഗിച്ചിരുന്ന കൊട്ടയാണ്