18/05/2020- കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ- സെയ്ന്റ് വിൻസന്റ് ആന്റ് ഗ്രനഡീൻസ്

ഇന്നത്തെ പഠനം
അവതരണം	ജോൺ MT, ചേർത്തല
വിഷയം	കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ
ലക്കം	41

   

 സെയ്ന്റ് വിൻസന്റ് ആന്റ് ഗ്രനഡീൻസ്

കരീബിയൻ കടലിലെ കിഴക്കൻ മേഖലയിൽ ലെ സർ അന്റിലസ് ദ്വീപുകളിൽ ഉൾപ്പെട്ട സ്വതന്ത്ര രാഷ്ട്രമാണ്  സെയ്ന്റ് വിൻസന്റ് ആന്റ് ഗ്രനഡീൻസ്.കോമൺവെൽത്ത് മണ്ഡലത്തിൽ അംഗമായ പരമാധികാര രാഷ്ട്രമാണ് ആ ന്റിലസ് മേഖലയിൽ തെക്കൻ ഭാഗത്ത് ഗ്രനഡീൻസ് എന്നറിയപ്പെടുന്ന നിരവധി ചെറു ദ്വീപുകളിൽ മൂന്നിൽ രണ്ടും ഈ രാഷ്ട്രങ്ങൾ ഉൾപ്പെടുന്നു.(ഗ്രനഡീൻസ് ദ്വീപുകളുടെ ശേഷിക്കുന്ന മുന്നിൽ ഒന്നാണ് ഗ്രനഡ എന്ന രാഷ്ട്രം)

മറ്റ് കരീബിയൻ ദ്വീപുകളെ പൊലെ ക്രിസ്റ്റഫർ കൊളംബസിന് അനായാസം വഴങ്ങി കൊടുക്കാത്ത ചരിത്രമാണ് ഈ ദേശത്തിനുള്ളത്.18-ാം നൂറ്റാണ്ടുവരെ ഇവിടെത്തെ കരീബുകൾ യൂറോപ്യന്മാരെ ചെറുത്തു നിന്നു..18-ാം നൂറ്റാണ്ടിൽ സെന്റ് ലൂസിയായിൽ നിന്നും, ബാർബഡോസിൽ നിന്നും രക്ഷപ്പെട്ടോടിയ ആഫ്രിക്കൻ അടിമകൾ ഇവിടെയെത്തി. ഇവരെ ഗാരിഫുന എന്നു വിളിച്ചു. കറുത്ത കരീബുകൾ എന്നർത്ഥം. 1763- ൽ സെന്റ് വിൻസന്റ് ദ്വീപിനെ ബ്രിട്ടൺ കീഴടക്കി. ബീട്ടിഷ് രാഞ്ജിയാണ് രാഷ്ട്രത്തലപ്പത്ത്.വാഴകൃഷിയാണ് ഇവിടെത്തെ പ്രധാന വരുമാനമാർഗ്ഗം.