03/01/2020- തീപ്പെട്ടി ശേഖരണം- ചെങ്കോട്ട

ഇന്നത്തെ പഠനം
അവതരണം	സന്തോഷ് ഗിൽബർട്ട് തൃക്കാക്കര
വിഷയം	തീപ്പെട്ടി ശേഖരണം
ലക്കം	70

   

ചെങ്കോട്ട

പതിനേഴാം നൂറ്റാണ്ടിൽ ചുവരുകളുടെ നഗരം എന്ന് അറിയ പ്പെട്ടിരുന്ന പഴയ  ഡെൽഹിയിൽ  മുഗൾ ഭരണാധികാരിയായിരുന്ന   ഷാജഹാൻ ചക്രവർത്തി പണി കഴിപ്പിച്ച വിസ്തൃതമായ ഒരു കോട്ട ആണ് ചുവപ്പു കോട്ട  അഥവാ   ചെങ്കോട്ട  ഷാജഹാൻ ഇതിന് കില ഇ മുഅല്ല എന്നാണ് പേരിട്ടിരുന്നത്.രണ്ട്‌ കിലോമീറ്റർ ചുറ്റളവിൽ ഈ കോട്ട സ്ഥിതി ചെയ്യുന്നു.17 ആം നൂറ്റാണ്ടിൽ മുഗൾ ഭരണാധികാരികൾ വസിച്ചിരുന്നതും ഈ കോട്ടയിൽ തന്നെയായിരുന്നു. 1857- ൽ അന്നത്തെ മുഗൾ ഭരണാധികാരി ആയിരുന്ന ബഹദൂർ ഷാ സഫറിൽ  നിന്ന് ബ്രിട്ടീഷ് ഇന്ത്യ  ചുവപ്പു കോട്ട പിടിച്ചടക്കും വരെ ഇത് മുഗൾ രാജവംശത്തിന്റെ തലസ്ഥാനം ആയി നില കൊണ്ടിരുന്നു. 2007-ൽ  യുനെ സ്കോ ലോക പൈതൃക സ്ഥാനങ്ങ ളുടെ പട്ടികയിൽ ചെങ്കോട്ടയുടെ പേരും ഉൾപ്പെടുത്തിയിട്ടുണ്ട്.

പുരാനി ദില്ലി അഥവാ ഷാജഹാനാബാദ് നഗരത്തിന്റെ കേന്ദ്രഭാഗമാണ് ചെങ്കോട്ട. കോട്ടയുടെയും നഗരത്തിന്റെയും കിഴക്കുവശം യമുനാനദിയാണ്. പടിഞ്ഞാറ് വശത്തുള്ള ലാഹോറി ഗേറ്റ്, തെക്കുവശത്തുള്ള ഡെൽഹി ഗേറ്റ് എന്നീ രണ്ട് പ്രധാന പ്രവേശന കവാടങ്ങൾ കോട്ടക്കുണ്ട്. ഈ കവാടങ്ങളിൽ നിന്നുള്ള വഴികൾ ചെന്നെത്തുന്ന നഗര മതിലിലെ കവാടങ്ങൾക്കും ഇതേ പേരുകൾ തന്നെയാണ്. യമുനയിലേക്കിറങ്ങുന്ന രാജ്ഘാട്ട് ഗേറ്റ് എന്ന കവാടവും കോട്ടക്കുണ്ട്. പടിഞ്ഞാറ് വശത്തുള്ള ലാഹോറി ഗേറ്റ് ആണ് കോട്ടയുടെ പ്രധാന പ്രവേശനകവാടം. ഇതിനു ശേഷം ഛത്ത ചൗക്ക് എന്ന ചന്തയും  നോബത്ഖാന എന്ന വാദ്യ സംഘ ക്കാരുടെ മന്ദിരവും കഴിഞ്ഞാൽ ചക്രവർത്തി സാധാരണ ജനങ്ങളെ അഭിസംബോധന ചെയ്തിരുന്ന ദിവാൻഇ-ആം എന്ന കെട്ടിടം കാണാം   ഇതിനും കിഴക്കുള്ള  ചഹാർ ബാഗിനപ്പുറത്ത് കോട്ടയുടെ കിഴക്കേ അറ്റത്തുള്ള രംഗ് മഹൽവരെയുള്ള മേൽപ്പറഞ്ഞ കെട്ടിടങ്ങളെല്ലാം കിഴക്കുപടിഞ്ഞാറായി ഒറ്റവരിയിൽ നിൽക്കുന്നു.

ലാഹോറി ഗേറ്റിനുമുകളിൽ  ഇന്ത്യയുടെ ദേശീയപതാക എപ്പോഴും ഉയർത്തിയിരിക്കും. ലാഹോറി ഗേറ്റിനു മൂന്നിലെ തട്ടിൽ നിന്നാണ് ഇന്ത്യൻ പ്രധാനമന്ത്രി സ്വാതന്ത്ര്യ ദിനത്തിൽ പ്രസംഗം നടത്തുന്നത്.

എന്റെ ശേഖരണത്തിൽ നിന്നും ചെങ്കോട്ടയുടെ ചിത്രമുള്ള തീപ്പെട്ടി താഴെ ചേർക്കുന്നു...