10-09-2020- ചിത്രത്തിനു പിന്നിലെ ചരിത്രം(48) - Neerja Bhanot (നീർജ ഭാനോട്ട്)

 

ഇന്നത്തെ പഠനം
അവതരണം	രാജീവൻ കാഞ്ഞങ്ങാട്
വിഷയം	ചിത്രത്തിനുപിന്നിലെ ചരിത്രം
ലക്കം	48

Neerja Bhanot (നീർജ ഭാനോട്ട്)  

നീർജ ഭാനോട്ട് (1963 സെപ്തബർ 07 - 1986 സെപ്തംബർ 05 പാൻ ആം വിമാനത്തിലെPan Am Flight 73 ജോലിക്കാരിയായിരിക്കുമ്പോൾ തീവ്രവാദികൾ തട്ടികൊണ്ടുപോയ വിമാനത്തിൽ നിന്ന് യാത്രക്കാരെ രക്ഷിക്കുന്നതിനിടയിൽ രക്തസാക്ഷിത്വം വരിച്ച ധീരവനിതയാണ്.

1963 സെപ്റ്റംബർ 07 ന് മുംബൈയിൽ മാധ്യമപ്രവർത്തകനായിരുന്ന ഹരീഷ് ഭാനോട്ടിന്റേയും രമ ഭാനോട്ടിന്റേയും മകളായി ചാണ്ഡിഗഡിൽ ജനിച്ചു. സേക്രഡ് ഹാർട്ട് സീനിയർ സെക്കണ്ടറി സ്കൂൾ - ചാണ്ഡിഗഡ്, ബോംബെ സ്കോട്ടീഷ് സ്കൂൾ - മുംബൈ, സെന്റ് സേവ്യർസ് കോളേജ് - മുംബൈ എന്നിവിടങ്ങളിലായിരുന്നു വിദ്യഭ്യാസം. 

1985 മാർച്ചിൽ വിവാഹം കഴിഞ്ഞ് ഗൾഫിൽ ജോലി ചെയ്യുന്ന ഭർത്താവിന്റെയടുത്തേക്ക് വന്ന നീർജ ഭാനോട്ട് സ്തീധന വിഷയത്തിലുള്ള സമർദ്ദം കാരണം രണ്ട് മാസത്തിനുള്ളിൽ തന്നെ മുംബൈയിൽ മാതാപിതാക്കളുടെയടുത്തേക്ക് തിരിച്ചെത്തി. അതിനുശേഷം ഫ്ലൈറ്റ് അറ്റൻഡന്റ് ജോലിക്കായി പാൻ ആം ൽPan Am Flight 73 അപേക്ഷിക്കുകയും ചെയ്തു. തിരഞ്ഞെടുക്കപ്പെട്ടതിനുശേഷം മിയാമിയിലേക്ക് പരിശീലനത്തിനായി പോയ നീർജ ഭാനോട്ട് പേർസർ (purser) ആയാണ് തിരിച്ചുവന്നത്.

1986 സെപ്റ്റംബർ 5 ന് മുമ്പൈയിൽ നിന്ന് കറാച്ചിയിലേക്കു തിരിച്ച പാൻ ആം ഫ്ളൈറ്റ് 73,(Pan Am Flight 73) കറാച്ചിയിൽ നിന്നും ഫ്രാങ്ക്ഫർട്ട് വഴി ന്യൂയോർക്കിലേക്കു പോകാൻ ടാർമാർക്കിൽ ഒരുങ്ങി നിൽക്കുമ്പോഴാണ് എയർപോർട്ട് ഗാർഡിന്റെ വേഷം ധരിച്ചെത്തിയ ആയുധധാരികളായ നാലു തീവ്രവാദികൾ വിമാനം റാഞ്ചിയത്. ലിബിയയിൽ നിന്നുള്ള അബു നിദാൽ ഓർഗനൈസേഷനിലെ തീവ്രവാദികളാണ് വിമാനം റാഞ്ചിയത്. വീമാനം റാഞ്ചിയതിന്റെ സൂചന നൽകുന്ന ബട്ടൺ നീർജ ഭനോട്ട് അമർത്തി കോക്‌പിറ്റ് ജോലിക്കാരെ വിവരം അറിയിച്ചു. പൈലറ്റ്, സഹ പൈലറ്റ്, ഫ്ലൈറ്റ് എഞ്ചിനീയർ തുടങ്ങിയവർ വീമാനത്തിൽ നിന്ന് ഉടനെ രക്ഷപ്പെടുകയും പിന്നെ വീമാനത്തിൽ സീനിയറായിരുന്ന നിർജ ഭാനോട്ട് വീമാനത്തിന്റെ ഉത്തരവാദിത്തം ഏറ്റെടുത്തു.

അമേരിക്കക്കാരനെന്ന് വ്യക്തമാക്കിയ ഒരു അമേരിക്കക്കാരനെ തീവ്രവാദികൾ വെടിവെച്ച് കൊന്നു. അമേരിക്കക്കാരായ മറ്റ് യാത്രക്കാരെ തിരിച്ചറിയുന്നതിനായി നീർജ ഭാനോട്ടിനോട് എല്ല്ലാവരുടേയും പാസ്പോർട്ട് വാങ്ങിതരാൻ തീവ്രവാദികൾ ആവശ്യപ്പെട്ടു. നീർജയും കൂടെയുള്ള മറ്റ് വിമാനജോലിക്കാരും കൂടി 19 അമേരിക്കൻ പാസ്‌പോർട്ടുകൾ (18 യാത്രക്കാർ + 1 ജോലി ചെയ്യുന്നയാൾ) സീറ്റിന്റെയടിയിലും മാലിന്യപാത്രത്തിലുമായി ഒളിപ്പിച്ചു.

17 മണിക്കൂർ നീണ്ടുനിന്ന റാഞ്ചലിനുശേഷം തീവ്രവാദികൾ വെടിവെയ്പ്പ് തുടങ്ങുകയും സ്പോടനം നടത്തുകയും ചെയ്തു. നീർജ ഭാനോട്ട് എമർജൻസി വാതിൽ തുറക്കുകയും കുറെ പേരെ രക്ഷപ്പെടാൻ സഹായിക്കുകയും ചെയ്തു. മൂന്ന് കുട്ടികൾക്ക് വെടിയേൽക്കാതെ മറയായി നിന്നുകൊണ്ട് തീവ്രവാദികളുടെ വെടിയേറ്റ് രക്തസാക്ഷിയായി.

"റാഞ്ചലിലെ നായിക" (the heroine of the hijack) ആയി ലോകമെങ്ങും അംഗീകരിച്ചു. സമാധാനസമയത്ത് ധീരതയ്ക്ക് ഇന്ത്യ നൽകുന്ന ഏറ്റവും വലിയ അവാർഡായ അശോക് ചക്ര നൽകി ആദരിച്ചു. ഇന്ത്യയിൽ ഈ ബഹുമതി ലഭിക്കുന്ന ഏറ്റവും പ്രായം കുറഞ്ഞ വ്യക്തിയായി മാറി നീർജ ഭാനോട്ട്.  2004ൽ തപാൽ വകുപ്പ് നീർജയുടെ ചിത്രമുള്ള സ്റ്റാമ്പ് പുറത്തിറക്കി. യു എസ് സർക്കാർ ജസ്റ്റില് ഫോർ ക്രൈം അവാർഡ് സമർപ്പിച്ചു.

നീർജ ഭാനോട്ടിന് ലഭിച്ച ഇൻഷുറൻസ് തുകയും പാൻ ആം(Pan Am Flight 73 )നൽകിയ തുകയും (ഇൻഷുറൻസ് തുകയുടെയത്ര തന്നെ) ചേർത്ത് നീർജ ഭാനോട്ടിന്റെ മാതാ-പിതാക്കൾ നീർജ ഭാനോട്ട് പാൻ ആം ട്രസ്റ്റ് രൂപം നൽകി. ട്രസ്റ്റ് എല്ലാവർഷവും രണ്ട് അവാർഡുകൾ നൽകുന്നുണ്ട്, ലോകമാകെയുള്ള മികച്ച എയർലൈൻ ക്രുവിനും മറ്റൊന്ന് സ്ത്രീധനത്തിനും മറ്റ് സാമൂഹിക പ്രശ്നങ്ങളിലും സ്തീകളെ സഹായിക്കുന്ന ഒരു ഇന്ത്യൻ സ്തീക്ക്. ഒരു ട്രോഫിയും 1,50,000 രൂപയും അടങ്ങുന്നതാണ് അവാർഡ്.

09/09/2020- കറൻസിയിലെ വ്യക്തികൾ- കേറ്റ് ഷെപ്പേർഡ്

 

ഇന്നത്തെ പഠനം
അവതരണം	ഹനീസ് M. കിളിമാനൂർ
വിഷയം	കറൻസിയിലെ വ്യക്തികൾ
ലക്കം	13

   

കേറ്റ് ഷെപ്പേർഡ്

സ്ത്രീകൾക്ക് വോട്ട് ചെയ്യാനുള്ള അവകാശം നേടി കൊടുത്ത വനിതയാണ് കേറ്റ് ഷെപ്പേർഡ് (കാതറീൻ വിൽസൺ ഷെപ്പേർഡ്) 1848 മാർച്ച് 10നു ഇംഗ്ലണ്ടിലെ ലിവർപൂളിൽ ജനിച്ചു. 1868ൽ ഇവരുടെ കുടുംബം ഇംഗ്ലണ്ടിൽ നിന്നും ന്യൂസിലാൻഡിലേക്ക് താമസം മാറി. വളരെ ചെറുപ്പത്തിൽ തന്നെ സാമൂഹിക-സാംസ്കാരിക മേഖലകളിൽ പ്രവർത്തനമാരംഭിച്ചു.1887 ൽ വുമൺസ് ക്രിസ്ത്യൻ ടെമ്പറൻസ് യൂണിയൻ (WCTC) ൻ്റെ അദ്ധ്യക്ഷ സ്ഥാനത്ത് കേറ്റ് ഷെപ്പേർഡ് എത്തിച്ചേർന്നു. ഈ പദവി ഉപയോഗിച്ചു കൊണ്ട് സ്ത്രീകൾക്കു വേണ്ടിയുള്ള അവകാശങ്ങൾക്കും, സമത്വത്തിനും, വോട്ടവകാശത്തിനും അവർ പരിശ്രമിച്ചു. പത്രമാധ്യമങ്ങളിലൂടെയും മീറ്റിങ്ങുകളിലൂടെയും പരാതികൾ നല്കിയും ഭരിച്ചിരുന്ന ബ്രിട്ടീഷ് ഭരണകൂടത്തിൽ അവർ സമ്മർദ്ദം ചെലുത്തി കൊണ്ടിരുന്നു. സ്ത്രീകൾ മാത്രം ജീവനക്കാരായുള്ള "ദി വൈറ്റ് റിബൺ " എന്ന പത്രം ആരംഭിച്ചു .30000 വനിതകളുടെ ഒപ്പുശേഖരണം നടത്തി ന്യൂസിലാൻ്റ് പാർലമെൻ്റിൽ സമർപ്പിച്ചു. ഇതേ തുടർന്ന് 1893 ൽ ലോകത്താദ്യമായി സ്ത്രീകൾക്ക് വോട്ടവകാശം നല്കുന്ന രാജ്യമായി മാറി ന്യൂസിലാൻ്റ്.

ക്രൈസ്റ്റ് ചർച്ചിൽ ആദ്യമായി സൈക്കിളോടിച്ച വനിതയും കേറ്റ് ഷെപ്പേഡാണ് .1892 ൽ അറ്റ്ലാൻറ ലേഡീസ് സൈക്ലിംഗ് ക്ലബ്ബ് അവർ സ്ഥാപിച്ചു.1896 ൽ കേറ്റ് ഷെപ്പേർഡ് നാഷണൽ കൗൺസിൽ ഓഫ് വുമൺ ഒഫ് ന്യൂസിലാൻറിൻ്റെ ആദ്യ പ്രസിഡൻറായി തെരഞ്ഞെടുക്കപ്പെട്ടു.വർഷങ്ങൾക്കു ശേഷം കേറ്റ് ഷെപ്പേർഡ് ബ്രിട്ടണിലേക്ക് പോവുകയും സ്ത്രീകൾക്ക് വോട്ടവകാശസമരത്തിൽ പങ്കെടുക്കുകയും ചെയ്തു.ആരോഗ്യസ്ഥിമോശമായ അവർ ന്യൂസിലാൻറിൽ തിരിച്ചെത്തുകയും സ്ത്രീ സമത്വലേഖനങ്ങൾ എഴുതി പ്രസ്ദീകരിക്കുകയും ചെയ്തു. 1934 ജൂലൈ 13നു അന്തരിച്ചു.

2015ൽ ന്യൂസിലാൻറ് പുറത്തിറക്കിയ പത്ത് ഡോളർ പോളിമർ കറൻസി നോട്ട്.മുൻവശത്ത് (Obverse)കേറ്റ് ഷെപ്പേർഡിൻ്റെ ഛായാചിത്രവും വൈറ്റ് കമേലിയ ഫ്ലവറിൻ്റെ ചിത്രവും, പിൻവശത്ത് (Reverse) ബ്ലൂ വിയോ ഡക്കും അതിൻ്റെ കുഞ്ഞുങ്ങളുടേയും ചിത്രം ആലേഖനം ചെയ്തിരിക്കുന്നു. വോട്ടവകാശത്തിനു വേണ്ടി പേരാടിയ വനിതകളുടെ പ്രതീകമാണ് വൈറ്റ് കമേലിയ പുഷ്പം.

08/09/2020- കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ- ബ്രിട്ടീഷ് വിർജിൻ ദ്വീപുകൾ

 

ഇന്നത്തെ പഠനം
അവതരണം	ജോൺ MT, ചേർത്തല
വിഷയം	കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ
ലക്കം	57

ബ്രിട്ടീഷ് വിർജിൻ ദ്വീപുകൾ

പോർട്ടോ റിക്കോയ്ക്ക് കിഴക്കായി കരീബിയൻ പ്രദേശത്തുള്ള ബ്രിട്ടീഷ് വിദേശ ആധിപത്യ പ്രദേശമാണ് ഔദ്യോഗികമായി വിർജിൻ ദ്വീപുകൾ.എന്നറിയപ്പെടുന്ന ബ്രിട്ടീഷ് വിർജിൻ ദ്വീപുകൾ (BVI). ഈ ദ്വീപുകൾ ഭൂമിശാസ്ത്രപരമായി വിർജിൻ ഐലന്റ് ദ്വീപസമൂഹത്തിന്റെ ഭാഗമായതും ലെസ്സെർ ആന്റില്ലെസിലെ ലീവാർഡ് ദ്വീപുകളിൽ സ്ഥിതി ചെയ്യുന്നതുമാണ്ബ്രിട്ടീഷ് വിർജിൻ ദ്വീപുകളിൽ വിവിധ വലിപ്പങ്ങളിലുള്ള ഏകദേശം 60 ഉഷ്ണമേഖലാ കരീബിയൻ ദ്വീപുകളാണുള്ളത്. ഇവയിൽ ടോർട്ടോള 20 കിലോമീറ്റർ (12 മൈൽ) നീളവും 5 കിലോ മീറ്റർ (3 മൈൽ) വീതിയുള്ളതും മറ്റുള്ളവ ചെറിയ ജനവാസമില്ലാത്ത ദ്വീപുകളുൾപ്പെട്ടതുമാണ്. ഇവയെല്ലാംകൂടി ഏകദേശം 150 ചതുരശ്ര കിലോമീറ്റർ (58 ചതുരശ്ര അടി മൈൽ) പ്രദേശത്തായി വ്യാപിച്ചുകിടക്കുന്നു

ക്രി.മു. 100-നടുത്ത് ദക്ഷിണ അമേരിക്കയിൽ നിന്നും കുടിയേറിയ അരവാക്കുകളാണ് വിർജിൻ ദ്വീപുകളിലെ ആദ്യ അധിവാസികൾ (എന്നിരുന്നാലും 1500 ബി.സി.യ്ക്കു മുമ്പുള്ള ദ്വീപുകളിലെ അമേരിന്ത്യൻ സാന്നിദ്ധ്യത്തേക്കുറിച്ചുള്ള ചില തെളിവുകൾ നിലനിൽക്കുന്നുണ്ട്). 15 ആം നൂറ്റാണ്ടിൽ ലെസ്സർ ആന്റിലെസ് ദ്വീപുകളിൽ നിന്ന് കൂടുതൽ ആക്രമണാത്മകയുള്ളവരും കരീബിയൻ കടലിന്റെ നാമകരണത്തിനു കാരണക്കാരുമായ ഒരു ഗോത്രവർഗ്ഗമായ കാരിബുകളാൽ പുറത്താക്കപ്പെടുന്നതുവരെ വരെ അരവാക്കുകൾ ഈ ദ്വീപുകളിൽ അധിവസിച്ചിരുന്നു.

തന്റെ സ്പാനിഷ് പര്യവേഷണത്തിന്റെ ഭാഗമായ 1493 ലെ അമേരിക്കകളിലേയ്ക്കുള്ള രണ്ടാം നാവികയാത്രയിൽ ഇതുവഴി സഞ്ചരിച്ച ക്രിസ്റ്റഫർ കൊളംബസ് ആയിരുന്നു വിർജിൻ ദ്വീപുകൾ ആദ്യമായി ദർശിച്ച യൂറോപ്യൻ. കൊളംബസ് ദ്വീപുകൾക്ക് സെന്റ് ഉർസുലയുടെ ബഹുമാനാർത്ഥം മനോരഞ്‌ജകമായ സാന്ത ഉർസുല വൈ ലാസ് വൺസ് മിൽ വിർജെനെസ് എന്ന പേരു നൽകുകയും ഇതു ചുരുങ്ങി ലാസ് വെർജെസനെസ് (ദ വിർജിൻസ്) എന്നായിത്തീരുകയും ചെയ്തു.ഇന്നും പിന്തുടരുന്ന ഒരു രീതിയുടെ ഭാഗമെന്ന നിലയിൽ ഈ പ്രദേശത്തെ തപാൽ സ്റ്റാമ്പുകളിൽ "ബ്രിട്ടീഷ് വിർജിൻ ദ്വീപുകൾ" (മുമ്പ് ലളിതമായി "വിർജിൻ ദ്വീപുകൾ" എന്നുപയോഗിച്ചിരുന്നു) എന്നു രേഖപ്പെടുത്തേണ്ടതാണെന്നു നിഷ്കർഷിക്കുന്ന ഒരു മെമ്മോറാണ്ടം 1968 ൽ ബ്രിട്ടീഷ് സർക്കാർ ഒരു പുറപ്പെടുവിക്കുകയുണ്ടായി.ഇത് 1959-ൽ പ്രദേശത്തെ അമേരിക്കൻ കറൻസിയുടെ സ്വീകാര്യത, പ്രദേശത്തെ തപാൽ സ്റ്റാമ്പുകൾക്കുള്ള യുഎസ് കറൻസി പരാമർശനം എന്നിവയിൽനിന്നുമുള്ള ആശയക്കുഴപ്പ സാധ്യത ഒഴിവാക്കുന്നതിനായിരിക്കാവുന്നതാണ്.ബ്രിട്ടീഷ് വിർജിൻ ദ്വീപുകളുടെ ഭരണം ബ്രിട്ടീഷ് ലീവാർഡ് ദ്വീപുകളുടെ ഭാഗമായോ അല്ലെങ്കിൽ സെൻറ് കിറ്റ്സ് ആന്റ് നെവിസിന്റെ ഭാഗമായോ പലവിധത്തിൽ ദ്വീപുകളിലെ ബ്രിട്ടീഷ് സർക്കാരിനെ പ്രതിനിധീകരിക്കുന്ന ഒരു ഭരണാധികാരിയാണു കൈകാര്യം ചെയ്യുന്നത്. 1960 ൽ ദ്വീപുകൾക്ക് പ്രത്യേക കോളനി പദവി ലഭിക്കുകയും 1967 ൽ സ്വയംഭരണാവകാശള്ളതായിത്തീരുകയും ചെയ്തു. 1960 മുതൽ ദ്വീപുകൾ തങ്ങളുടെ പാരമ്പരാഗതമായ കാർഷിക സമ്പദ്വ്യവസ്ഥയിൽ നിന്നു വ്യതിചലിച്ച് വിനോദസഞ്ചാരത്തിലേക്കും സാമ്പത്തിക സേവനങ്ങളിലേക്കും നീങ്ങുകയും കരീബിയൻ രാജ്യങ്ങളിലെ ഏറ്റവും സമ്പന്നമായ പ്രദേശങ്ങളിലൊന്നായി മാറുകയു ചെയ്തു.ഇവിടെത്തെഭാഷ ഇംഗ്ലീഷും ,നാണയം അമേരിക്കൻ ഡോളറുമാണ് (USD)

06-09-2020- പഴമയിലെ പെരുമ- ആമാടപ്പെട്ടി

 

ഇന്നത്തെ പഠനം
അവതരണം	സലീം പടവണ്ണ
വിഷയം	പഴമയിലെ പെരുമ
ലക്കം	07

ആമാടപ്പെട്ടി

(Amadapetti)

ഒരു കാലത്ത് കേരളത്തിലെ സ്വാധീനശക്തിയും സമ്പത്തുമുള്ള ആഢ്യഗൃഹങ്ങളിലെ സ്ത്രീകള്‍ കൈവശം വച്ചിരുന്ന ആഭരണപെട്ടിയാണ് ആമാടപ്പെട്ടി.

ഫ്രഞ്ചുകാർ കൊണ്ടുവന്ന ഒരുതരം പൊൻനാണയമാണ്‌ ആമാടഎന്ന പേരിലറിയപ്പെട്ട വിൽക്കാശ്. ഇത് സൂക്ഷിക്കുന്ന പെട്ടിയായിരുന്നു ആമാടപ്പെട്ടി. ഈ നാണയപ്പെട്ടി പിൽക്കാലത്ത് ആഭരണപ്പെട്ടിയായി മാറിയത്. മറ്റ് ആഭരണങ്ങൾ ഇല്ലാത്തവർ ആമാടയെന്ന ഈ പൊൻനാണയങ്ങളെ ചരടിൽ കോർത്ത് ആഭരണമായി ഉപയോഗിക്കാറുണ്ടായിരുന്നു. അങ്ങനെ നാണയപ്പെട്ടിയായിരുന്ന ആമാടപ്പെട്ടി ആഭരണപ്പെട്ടികൂടിയായി മാറി. പിന്നീട് ഈ നാണയം പ്രചാരത്തിലില്ലാതായപ്പോൾ ഈ പെട്ടി ആഭരണം സൂക്ഷിക്കാൻ മാത്രം ഉപയോഗിച്ചു. അങ്ങനെ അത്തരം ആഭരണപ്പെട്ടിയ്ക്ക് ആമാടപ്പെട്ടി എന്ന പേരുവന്നു.

05-09-2020- റിപ്പബ്ലിക് ഇന്ത്യ നാണയങ്ങൾ- FAO coins, Year 1988

ഇന്നത്തെ പഠനം
അവതരണം	BMA കരീം പെരിന്തൽമണ്ണ
വിഷയം	റിപ്പബ്ലിക് ഇന്ത്യ നാണയങ്ങൾ
ലക്കം	46

 FAO coins, Year 1988 
 "ലോക ഭക്ഷ്യ ദിനം"

1988 ൽ, FAO ഏട്ടാമത്തെ "ലോക ഭക്ഷ്യ ദിനം" ആചരിച്ചു.  1988 ൽ ലോക ഭക്ഷ്യ-കാർഷിക സംഘടന ഇതിനായി തിരഞ്ഞെടുക്കപ്പെട്ട വിഷയം "മഴയെ ആശ്രയിച്ചുള്ള കൃഷി " (Rainfed farming ) എന്നതായിരുന്നു.

ഈ അവസരത്തിൽ ഇന്ത്യ പുറത്തിറക്കിയ നാണയങ്ങളാണ്  ഈ ലക്കത്തിൽ പ്രതിപാദിച്ചിട്ടുള്ളത്. 

04/09/2020- തീപ്പെട്ടി ശേഖരണം- ATM

ഇന്നത്തെ പഠനം
അവതരണം	സന്തോഷ് ഗിൽബർട്ട് തൃക്കാക്കര
വിഷയം	തീപ്പെട്ടി ശേഖരണം
ലക്കം	100

A T M
(ഓട്ടോമേറ്റഡ് ടെല്ലർ മെഷീൻ)

                 ബാങ്കിലെ ഇടപാടുകാർക്ക് ബാങ്ക് ജീവനക്കാരുടെ സഹായം ഇല്ലാതെ പണമിടപാടുനടത്താൻ സഹായിക്കുന്ന ഒരു യന്ത്ര ഉപകരണമാണ് എ.ടി.എം. എന്ന ചുരുക്കപ്പേരിലറിയപ്പെടുന്ന ഓട്ടോമേറ്റഡ് ടെല്ലർ മെഷീൻ‍. കേരളത്തിലും, ഇന്ത്യയിലെമ്പാടും പ്രചാരം നേടിയ ഈ യന്ത്രസംവിധാനം, പല പേരുകളിൽ അറിയപ്പെടുന്നുണ്ട്. ഓട്ടോമേറ്റഡ് ബാങ്കിങ് മെഷീൻ, മണിമെഷീൻ, ബാങ്ക് മെഷീൻ,കാഷ് മെഷീൻ, എനി ടൈം മണി എന്നിങ്ങനെ , പൊതുസ്ഥലങ്ങളിൽ അവിടവിടെയായി സ്ഥാപിച്ചിട്ടുള്ള ഈ പണപ്പെട്ടി ഉപയോഗിച്ച് ഏതുസമയത്തും പണം പിൻവലിക്കാനും നിക്ഷേപിക്കാനും ബാങ്ക് അക്കൗണ്ടിലെ വിവരങ്ങൾ അറിയാനും മറ്റും കഴിയും. 

                 1939 ൽ ലൂതർ ജോർജ്ജ് സിംജിയൻ എന്ന അമേരിക്കകാരൻ ആണ് ആദ്യമായി ഒരു എ.ടി.എം നിർമ്മിച്ചത്. അത്, സിറ്റി ബാങ്ക് ഓഫ് ന്യൂയോർക്ക് ന്യൂയോർക്കിൽസ്ഥാപിച്ചു. എന്നാലതിന് വേണ്ടത്ര പ്രചാരം ലഭിച്ചില്ല. സ്ഥാപിച്ച് ആറുമാസത്തിനു ശേഷം അത് നീക്കംചെയ്യപ്പെട്ടു. പിന്നീട്, 1967 ജൂൺ 17 ന്, ദി ലാര്യൂ  എന്ന കമ്പനി വികസിപ്പിച്ച ഒരു ഇലക്ട്രോണിക് എ ടി എം ബാർക്ലൈസ് ബാങ്ക്, ഇംഗ്ലണ്ടിലെ ലണ്ടനിൽ, എൻഫീൽഡ് ടൗണിൽ സ്ഥാപിച്ചു. അക്കാലത്ത്, എ ടി എം മായി ബന്ധപ്പെട്ട സാങ്കേതിക വിദ്യകൾക്ക് പല വിദഗ്ദ്ധരും പല നിർമ്മാണ അവകാശങ്ങൾ ഉന്നയിച്ചിരുന്നു എങ്കിലും, ഇന്ത്യയിൽ ജനിച്ച ജോൺ ഷെപ്പേർഡ് ബാരൺ‎   എന്ന സ്ക്കോട്ലന്റുകാരനാണ് ഈ കണ്ടുപിടിത്തത്തിന് അംഗീകാരം ലഭിച്ചത്. 2005 ൽ അദ്ദേഹത്തിന് '''ഓർഡർ ഓഫ് ദി ബ്രിട്ടീഷ് എമ്പയർ'''‍ എന്ന ബഹുമതി സമ്മാനിക്കുകയുണ്ടായി. റെഗ് വാണി എന്ന ബ്രിട്ടീഷ് നടനാണ് ഈ യന്ത്രം ആദ്യമായി ഉപയോഗിച്ചത്. ഈ യന്ത്രങ്ങളിൽ, ഒറ്റത്തവണ മാത്രം ഉപയോഗിക്കാവുന്ന ശീട്ടുകളാണ് ഉപയോഗിച്ചിരുന്നത്. യന്ത്രം ശീട്ടുകൾ ഇടപാടുകാരന് തിരിച്ചു നൽകിയിരുന്നില്ല. പത്തു പൗണ്ട് നോട്ടുകൾ അടക്കം ചെയ്ത കവറുകളാണ് യന്ത്രം വിതരണം ചെയ്തിരുന്നത്. തട്ടിപ്പു തടയാനായി, കാന്തികത,വികിരണം തുടങ്ങിയവ ഉപയോഗിക്കുന്ന സംവിധാനങ്ങൾ ഏർപ്പെടുത്തിയിരുന്നു. പിന്നീട് എ.ടി.എമ്മിൽ ഉപയോഗിക്കുന്ന, (പിൻ നമ്പർ) ഉപയോഗിച്ചുള്ള ശീട്ടുകൾ വികസിപ്പിച്ചത് (1965) ജയിംസ് ഗുഡ് ഫെലോ എന്ന ബ്രിട്ടീഷ് എഞ്ജിനിയറാണ്. 1968ൽ അമേരിക്കയിലെ ഡാലസിലാണ്  (Network) ഉപയോഗിച്ചു പരസ്പരം ബന്ധിച്ച എ.ടി.എമ്മുകൾ സ്ഥാപിക്കപ്പെട്ടത്. പണം നിക്ഷേപിക്കുക, പിൻവലിക്കുക എന്നീ പ്രാഥമിക ഉപയോഗം കൂടാതെ  പാസ് ബുക്ക് പതിക്കുക , എക്കൗണ്ട് സ്റ്റേറ്റ്മെന്റ്, ചെക്കുകൾ നിക്ഷേപിക്കുക,വായ്പയും പലിശയും തിരിച്ചടക്കുക, വൈദ്യുതിക്കരം, വെള്ളക്കരം , ഫോൺബില്ലുകൾ ,തപാൽ സ്റ്റാമ്പുകൾ, തീവണ്ടി ടിക്കറ്റുകൾ തുടങ്ങിയവ വാങ്ങുക എന്നീ കാര്യങ്ങളും ചെയ്യാവുന്നതാണ്. എന്നാൽ ഇവയിൽ പല സേവനങ്ങളും ഇപ്പോൾ ഇന്ത്യയിൽ ലഭ്യമല്ല. ഭാവിയിൽ കൂടുതൽ സേവനങ്ങൾ എ.ടി, എം വഴി ലഭിക്കുമെന്നു കരുതാം.

                     എന്റെ ശേഖരണത്തിലെ എ ടി എം ന്റെ ചിത്രമുള്ള തീപ്പെട്ടികൾ താഴെ ചേർക്കുന്നു.....

03-09-2020- ചിത്രത്തിനു പിന്നിലെ ചരിത്രം(47) - തഞ്ചാവൂർ ബൃഹദീശ്വരക്ഷേത്രം

ഇന്നത്തെ പഠനം
അവതരണം	രാജീവൻ കാഞ്ഞങ്ങാട്
വിഷയം	ചിത്രത്തിനുപിന്നിലെ ചരിത്രം
ലക്കം	47

തഞ്ചാവൂർ ബൃഹദീശ്വരക്ഷേത്രം 

തമിഴ്‌നാട്ടിൽ കാവേരി നദിയുടെ തീരത്ത് സ്ഥിതി ചെയ്യുന്ന ഒരു പട്ടണമാണ്‌ തഞ്ചാവൂർ. ബ്രിട്ടീഷുകാർ തഞ്ചോർ എന്നാണിതിനെ വിളിച്ചിരുന്നത്‌. ഇന്നത്തെ തഞ്ചാവൂർ ജില്ല “തമിഴ്‌നാടിന്റെ അന്നപാത്രം“ എന്നും അറിയപ്പെടുന്നു. ചെന്നൈയിൽ നിന്നു 200 കി‌.മി. തെക്കു ഭാഗത്തായാണ്‌ തഞ്ചാവൂർ സ്ഥിതി ചെയ്യുന്നത്. രാജരാജേശ്വരക്ഷേത്രം അഥവാ ബൃഹദീശ്വരക്ഷേത്രത്തെ ചുറ്റി വളർന്നു വന്ന ഒരു നഗരമാണ്‌ തഞ്ചാവൂർ. അതുകൊണ്ട് ക്ഷേത്രനഗരങ്ങൾക്ക് ഒരു ഉത്തമോദാഹരണമാണ്‌ ഈ പട്ടണം.

പെരുവുടയോര്‍ കോവില്‍, രാജ രാജേശ്വര ക്ഷേത്രം, വലിയമ്പലം എന്നീ പേരുകളിലെല്ലാം ഈ ക്ഷേത്രം അറിയപ്പെടുന്നുണ്ട്‌. ശിവനാണ്‌ പ്രധാന ആരാധനാമൂര്‍ത്തി. അതി പുരാതനമായ ഈ ക്ഷേത്രത്തിന്‌ വളരെ പ്രത്യകതകളാണുള്ളത്‌. 1,30,0000 ടണ്‍ കല്ല്‌ കൊണ്ടാണ് ഈ ക്ഷേത്രം നിര്‍മ്മിച്ചിരിക്കുന്നത്. പൂര്‍ണ്ണമായും കല്ലില്‍ നിര്‍മ്മിച്ച ലോകത്തിലെ തന്നെ ഏറ്റവും വലിയ ക്ഷേത്രമാണ് ഈ ശിവ ക്ഷേത്രം.

തമിഴ്‌ വാസ്‌തു വിദ്യയില്‍ ചോളന്‍മാര്‍ കൊണ്ടു വന്നിട്ടുള്ള അത്ഭുതകരമായ പുരോഗതിയുടെ ഉത്തമോദാഹരണമാണ്‌ ബൃഹദേശ്വര ക്ഷേത്രം.   ഇന്ത്യന്‍ ശില്‍പകലയുടെ നാഴികകല്ലായി ഈ ക്ഷേത്രത്തെ കണക്കാക്കാം. യുനെസ്‌കോയുടെ ലോക പൈതൃക സ്ഥലങ്ങളില്‍ ഈ ക്ഷേത്രം ഇടം പിടിച്ചിട്ടുണ്ട്‌. കൂടുതല്‍ കാലം അതിജീവിച്ച ചോള ക്ഷേത്രങ്ങളില്‍ ഒന്നാണിത്‌. രാജരാജ ചോള ഒന്നാമാനാണ്‌ ഈ ക്ഷേത്രം പണികഴിപ്പിച്ചത്‌.

ദ്രാവിഡിയന്‍ ശൈലിയിലുള്ള വാസ്‌തു വിദ്യയാണ്‌ ക്ഷേത്ര നിര്‍മാണത്തില്‍ ഉപയോഗിച്ചിരിക്കുന്നത്‌. ഒറ്റക്കല്ലില്‍ തീര്‍ത്ത നന്ദിയുടെ വലിയ ശില്‍പം ക്ഷേത്രത്തിലെ പ്രധാന ആകര്‍ഷണമാണ്‌. ഏകദേശം 25 ടണ്ണോളം വരും ഇതിന്റെ ഭാരം. മെയ്‌ മാസത്തിലാണ്‌ ക്ഷേത്രത്തിലെ വാര്‍ഷികോത്സവം നടക്കുന്നത്‌.

രാജഭരണകാലത്തെ സുപ്രധാനചടങ്ങുകള്‍, പൊതുപരിപാടികള്‍, ഘോഷയാത്രകള്‍, യാഗങ്ങള്‍, കലാപരിപാടികള്‍ എന്നിവക്കെല്ലാം വേദിയായിരുന്നു ഇവിടം. 

പരമ്പരാഗതമായി കല്ലില്‍ ശില്‍പ്പവേല ചെയ്യുന്നവരുടെ പിന്തുടര്‍ച്ചക്കാര്‍ ഇന്നും തന്ചാവൂരിലുണ്ട്. ചെറിയ ചെറിയ ക്ഷേത്രംപണികളും വിഗ്രഹം കൊത്തലുമായി അവര്‍ കാലം കഴിക്കുന്നു.

പുരാതനകാലത്തെ ചുമര്‍ചിത്രങ്ങള്‍ പുനര്‍നിര്‍മ്മിക്കുന്ന ഡി-സ്റ്റക്കോ എന്ന സാങ്കേതികവിദ്യ ലോകത്ത് ആദ്യമായി നടപ്പിലാക്കിയത് ആര്‍ക്കിയോളജിക്കല്‍ സര്‍വേ ഓഫ് ഇന്ത്യയാണ്. 1980ഇല്‍ ഈ ക്ഷേത്രത്തിലാണ് അവര്‍ ഇത് വിജയകരമായി പൂര്‍ത്തിയാക്കിയത്. ആയിരം വര്‍ഷം പഴക്കമുള്ള ചോളരാജഭരണകാലത്തെ ചുമര്‍ചിത്രങ്ങള്‍ക്ക് മേലെ സൂപ്പര്‍ഇമ്പോസ് ചെയ്തിരുന്ന പതിനാറു നായക് ചിത്രങ്ങള്‍ ഈ രീതിയില്‍ വേര്‍തിരിച്ചിട്ടുണ്ട്.

2010ൽ ഭാരത സർക്കാർ പുറത്തിറക്കിയ അഞ്ചു രൂപയുടെയും 1000 രൂപയുടെയും നാണയങ്ങൾ.