03/03/2020- കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ- ആന്റീഗ & ബാർബ്യൂഡ

ഇന്നത്തെ പഠനം
അവതരണം	ജോൺ MT, ചേർത്തല
വിഷയം	കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ
ലക്കം	30

   

 ആന്റീഗ & ബാർബ്യൂഡ

ആന്റീഗയും ബാർബ്യൂഡയും.കരീബിയൻ കടലിലെ ഒരു ദ്വീപ് രാജ്യമാണ്. കരീബിയൻ കടലിന്റെ അറ്റ്ലാന്റിക് സമുദ്രവുമായുള്ള കിഴക്കൻ അതിർത്തിയിലാണ് ഇത് സ്ഥിതി ചെയ്യുന്നത്. പേര് സൂചിപ്പിക്കും പോലെതന്നെ രണ്ട് പ്രധാന ദ്വീപുകളാണ് ഈ രാജ്യത്തിലുള്ളത്. ആന്റീഗയും ബാർബ്യൂഡയും. ഇവയെക്കൂടാതെ ചില ചെറു ദ്വീപുകളും ഈ രാജ്യത്തിൽ ഉൾപ്പെടുന്നു. അടുത്തടുത്തായി സ്ഥിതി ചെയ്യുന്ന ഈ ദ്വീപുകളുടെ സ്ഥാനം ഭൂമദ്ധ്യരേഖയുടെ 17 ഡിഗ്രീ വടക്കായാണ്. 82,000 ആണ് ഇവിടുത്തെ ജനസംഖ്യ. ഇതിൽ പ്രധാനമായും പടിഞ്ഞാറൻ ആഫ്രിക്കൻ, ബ്രിട്ടീഷ്, പോർച്ചുഗീസ് പാർമ്പര്യത്തിൽപ്പെട്ടവരാണുള്ളത്. സെയ്ന്റ് ജോൺസ് ആണ് തലസ്ഥാനം

ലോക ക്രിക്കറ്റിന് സ ർ വിവിയർ റിച്ചാർഡ്സിനെപ്പൊലെ ഒട്ടേറെ മഹാന്മാരെ സമ്മാനിച്ച ഈ രാഷ്ട്രം കരീബിയയിലെ പ്രധാന ടൂറിസ്റ്റ് കേന്ദ്രങ്ങളിൽ ഒന്നാണ്. അതു തന്നെയാണ് മുഖ്യ വരുമാനവും. കരീബിയൻ നിലവാരമനുസരിച്ച് മികച്ച ജീവിത ചുറ്റുപാടും ഭേദപ്പെട്ട സാമ്പത്തിക സ്ഥിതിയുമുണ്ട് - സ്പാനിഷ്, ഇംഗ്ലീഷ് കോളനിയായ ദീർഘകാലം കഴിച്ചു കൂട്ടിയ ആന്റിഗ& ബർബുഡ 1981 ലാണ് ബ്രിട്ടാനിൽ നിന്ന് സ്വതന്ത്രമായത്.