കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ (111) - സ്ലൊവീനിയ

                            

ഇന്നത്തെ പഠനം
അവതരണം	ജോൺ MT, ചേർത്തല
വിഷയം	കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ
ലക്കം	111

സ്ലൊവീനിയ

മഞ്ഞുമലകളും നീലത്തടാകങ്ങളും പച്ചപ്പുൽമേടുകളും കൊച്ചുകൊച്ച് ഗ്രാമങ്ങളുമെല്ലാമായി ഭൂപ്രകൃതിയുടെ മനോഹാരിതയിൽ സ്വിറ്റ്സർലാൻഡിനോടുവരെ കിടനിൽക്കുന്ന നാടാണിത്. ഇറ്റലി, ഓസ്ട്രിയ, ഹംഗറി, ക്രോയേഷ്യ എന്നീ രാഷ്ട്രങ്ങളുമായി അതിർത്തിപങ്കിടുന്ന ഈ രാജ്യത്തിന്റെ ചെറിയൊരു തുണ്ട് അഡ്രിയാറ്റിക് കടലിലേക്കും തുറക്കുന്നുണ്ട്. 20 ലക്ഷം മാത്രമാണീ രാജ്യത്തെ മൊത്തം ജനസംഖ്യ. അതായത് നമ്മുടെ തിരുവനന്തപുരത്തെക്കാൾ ഇത്തിരി കൂടുതൽ. ജനപ്പെരുപ്പമില്ലാത്തതിനാലാവാം സ്ലൊവീനിയയുടെ പകുതിയിലധികവും വനമാണ്. ഫ്രാൻസിൽനിന്ന് ആരംഭിക്കുന്ന ആൽപ്സ് മലനിരകൾ അവസാനിക്കുന്നത് സ്ലൊവീനിയയിലാണ്.

ലൂബ് ലിയാന തലസ്ഥാനമായ മുൻ യൂഗോസ്ളോവിയൻ റിപ്പബ്ലിക്ക് കളിലെ ഏറ്റവും സമ്പന്നമായത് ഉത്തര മേഖയിലെ ഈ നാടാണ്. ലിപ്പി സനെർ (ദൃഢ ശരീരം ഉള്ള) കുതിരകൾ ഗുഹാജീവികൾക്കും പേരു കേട്ട നാടാണ്. ഓക് ,ദേവദാരൂ,പൈൻ മരങ്ങൾ നിറഞ്ഞ നിബിഡ വനങ്ങൾ . സ്ളോവേനിയായിൽ മുഴുവൻ കാണപ്പെടുന്ന ലിൻഡെൻ മരം ദേശീയ പ്രതീകമാണ്.ഫിൻലാന്റ് . സ്വീഡൻ എന്നി യൂറോപിയൻ നാടുകൾ കഴിഞ്ഞാൽ വനനിബിഡ നാടുകളിൽ മൂന്നാമത് ആണ് സ്ളോവേനിയ, മുന്തിരി തോട്ടങ്ങൾ,പൂത്തോട്ടങ്ങൾ പുൽമേടുകൾ നിറഞ്ഞതുമാണ് ഇവിടം

യൂറോസോണിന്റെ ഭാഗമായതിനാൽ യൂറോപ്പിലെ മറ്റ് പല രാജ്യങ്ങളിലുമെന്നപോലെ യൂറോതന്നെയാണ് സ്ലൊവീനിയയിലും കറൻസി.