സ്റ്റാമ്പിലെ വിശേഷങ്ങൾ - കണ്ടെത്തിയ ഡോക്ടറുടെ പേരിൽ അറിയപ്പെട്ട രോഗം

           

ഇന്നത്തെ പഠനം
അവതരണം	നിഷാദ് കാക്കനാട്‌
വിഷയം	സ്റ്റാമ്പിലെ വിശേഷങ്ങൾ
ലക്കം	38

 കണ്ടെത്തിയ ഡോക്ടറുടെ പേരിൽ അറിയപ്പെട്ട രോഗം

രസതന്ത്രത്തിലും ഉർജ്ജതന്ത്രത്തിലും പല കണ്ടെത്തുകളും കണ്ടെത്തിയ മഹാൻമാരുടെ പേരിൽ അറിയപെടുന്നുണ്ട് .എന്നാൽ വൈദ്യശാസ്ത്രത്തിൽ രോഗം കണ്ടെത്തിയ ഡോക്ടറുടെ പേരിൽ ആ രോഗം അറിയപ്പെടുക അപൂർവ്വമാണ് .ജർമ്മൻ മനശ്ശാസ്ത്രജ്ഞനും ന്യൂറോ പത്തൊലിജിസ്റ്റ്മായ അലിയോസ്‌ അൽഷിമർ കണ്ടെത്തിയ രോഗമാണ് അൽഷിമേഴ്‌സ് എന്ന് അറിയപ്പെട്ടത് .1906ലാണ് വൈദ്യശാസ്ത്രത്തിന് അത് വരെ അജ്ഞതമായിരുന്ന ഈ രോഗത്തെക്കുറിച്ച് ആദ്യമായി ഈ ഡോക്ടർ രേഖപെടുത്തിയത് .ഇദ്ദേഹത്തോടുള്ള ആദര സൂചകമയാണ് രോഗത്തിന് അൽഷിമേഴ്‌സ് എന്ന പേര് ശാസ്ത്ര ലോകം നൽകിയത് .

തലച്ചോറിലെ ഓർമകോശങ്ങൾ നശിച്ചുപോകുന്ന രോഗമാണ് അൽഷിമേഴ്‌സിന്റെ. മറവിരോഗങ്ങളെ പൊതുവെ 'ഡിമെൻഷ്യ' എന്നാണ് വിളിക്കുന്നത്. മാനസികാരോഗത്തിന് ചികിത്സ തേടിയ 51 വയസുകാരി 'ഒഗസ്റ്റിഡി'യുടെ മരണശേഷം അവരുടെ തലച്ചോർ പഠനവിധേയമാക്കിയാണ് ഈ രോഗം തിരിച്ചറിഞ്ഞത്.

പ്രായമായി വരുമ്പോൾ ഓർമ്മക്കുറവ് പോലുള്ള പല അസുഖങ്ങളും പിടിപെടാറുണ്ട്. അതിൽ ഏറ്റവും പ്രധാനപെട്ടതാണ് അൽഷിമേഴ്സ് രോഗം.മലയാളത്തിൽ സ്മൃതി നാശം എന്ന് ഈ രോഗം അറിയപെടുന്നു..പ്രശസ്തരായ ഒരുപാട് പേർ  ഈ രോഗത്തിന് കീഴടങ്ങിട്ടുണ്ട് .അമേരിക്കൻ പ്രസിഡന്റ്‌ആയിരുന്ന  റെനോൾഡ് റീഗൻ ,ബ്രിട്ടീഷ് പ്രധാനമന്ത്രി ആയിരുന്ന ഹരോൾഡ് വിത്സൻ ,2009ലെ നൊബേൽ സമ്മാന ജേതാവ് ചാൾസ് കെ കോ എന്നിവർ രോഗം ബാധിച്ചവരിൽ ചിലരാണ് . .ലോകത്താകെ മൂന്ന് കോടിയിലേറെ പേർക്ക് ഈ രോഗം ഉണ്ടെന്നാണ് കണക്കാകീരിക്കുന്നത് .ഇന്ത്യയിൽ 30 ലക്ഷം  പേരുണ്ട് .സെപ്റ്റംബർ 21 എല്ലാവർഷവും ലോക അൽഷിമേഴ്‌സ് ദിനമായി ആചരിക്കുന്നുണ്ട് .