25-06-2017- പുരാതന നാണയങ്ങൾ- പല്ലവ സാമ്രാജ്യം

ഇന്നത്തെ പഠനം
അവതരണം	Leeju Palakad
വിഷയം	പുരാതന നാണയങ്ങൾ
ലക്കം	1

പല്ലവ സാമ്രാജ്യം

പുരാതന ദക്ഷിണ ഭാരതത്തിൽ മൂന്നാം നൂറ്റാണ്ടു മുതൽ ഒൻപതാം നൂറ്റാണ്ടു വരെ നിലനിന്നിരുന്ന പ്രബലമായ രാജവംശമായിരുന്നു പല്ലവ സാമ്രാജ്യം. അമരാവതി ആസ്ഥാനമാക്കിയുള്ള ശതവാഹനൻമാരുടെ പതനത്തോടെയാണ് പല്ലവൻമാർ ശക്തിയാർജ്ജിച്ചത്. തമിഴുനാട്ടിലെ കാഞ്ചിപുരമായിരുന്നു പല്ലവൻമാരുടെ തലസ്ഥാനം. പല്ലവൻമാരുടെ കാലത്തു പണികഴിപ്പിച്ച മഹാബലിപുരത്തെ ഭീമാകാരമായ ശിൽപങ്ങളും അതിമനോഹരമായ ക്ഷേത്രങ്ങളും അന്നുകാലത്തെ കലാവൈഭവത്തിന്റെ ഉത്തമ ഉദാഹരണങ്ങളാണ്. ചോള രാജാക്കൻമാരുമായുള്ള നിരന്തരമായ യുദ്ധങ്ങൾക്കൊടുവിൽ എട്ടാം നൂറ്റാണ്ടോടെ പല്ലവ സാമ്രാജ്യം നാമാവശേഷമായി.

പല്ലവൻമാരുടെകാലത്തു നിലനിന്നിരുന്ന ചെമ്പു നാണയത്തിന്റെ വിശദാംശങ്ങളും പല്ലവ സാമ്രാജ്യത്തിന്റെ ഭൂപടവും അടങ്ങിയ വിവരണം താഴെ ചേർത്തിരിക്കുന്നു.