28/07/2020- കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ- റീയൂണിയൻ

ഇന്നത്തെ പഠനം
അവതരണം	ജോൺ MT, ചേർത്തല
വിഷയം	കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ
ലക്കം	51

   

റീയൂണിയൻ

ഇന്ത്യൻ മഹാസമുദ്രത്തിൽ ആഫ്രിക്കൻ വൻകരയ്ക്ക് കിഴക്ക് മഡഗാസ്ക്കറിന് തൊട്ട് കിഴക്കായി സ്ഥിതി ചെയ്യുന്ന മസ്കരേൻ (Mascarene) ദ്വീപുകളിൽ ഉൾപ്പെട്ട ദ്വീപാണ് റീയൂണിയൻ. (മൗറീഷ്യസ് ,റോഡ്രിഗസ് എന്നിവയാണ് മറ്റ് മസ്കരേൻ ദ്വീപുകൾ ) ഫ്രാൻസിന്റെ ഓവർസീസ് ടെറിട്ടറിയാണ് റീയൂണിയൻ, മൗറീഷ്യസിൽ നിന്നും 200 കി.മീ. തെക്കുപടിഞ്ഞാറായിട്ടാണ് റീയൂണിയൻ ദ്വീപ് സ്ഥിതി ചെയ്യുന്നത്. ഫ്രാൻസിന്റെ 26 റീജനുകളിൽ ഒന്നാണ് അതേ സമയം ഓവർസീസ് ടെറിട്ടറിയും കൂടി ആണ്. ഫ്രഞ്ച് പ്രസിഡൻറ് തന്നെയാണ് രാഷ്ട്ര തലവൻ, പ്രാദേശീക പ്രസിഡൻറ് ഭരണത്തെസഹായിക്കുന്നു. 2 ,512 ച.കി.മീ വിസ്തീർണ്ണം മുള്ള ഇവിടെ എട്ടു ലക്ഷം ജനങ്ങൾ വസിക്കുന്നു. ഇന്ത്യൻ, വിയറ്റ്നാമീസ്, ആഫ്രിക്കൻ, മലഗാസി, ചൈനീസ്, ഫ്രഞ്ച്, ക്രിയോൾ വംശജരാണ് ഇവിടെയുള്ളത്. ആഫ്രിക്കൻ - യൂറോപ്പിയൻ സങ്കരവർഗമായ ക്രിയോളുകൾ ആണ് 60%, ഇന്ത്യൻ വംശജർ 20 % വരും ,86 % പേർ റോമൻ കത്തോലിക്കരാണ്, ഹിന്ദു, ഇസ്ലാം, ബുദ്ധമത വിശ്വാസികളും കൂടി ചേർന്ന താന്ന് ഈ കുഞ്ഞു ദ്വീപ്. 2006-ൽ ഈ ദ്വീപിലെ 26 ശതമാനം പേർക്ക് ചിക്കൻ ഗുനിയ പിടിപെട്ടു. കൃഷി, വിനോദസഞ്ചാരം, ഫ്രാൻസിൽ നിന്നുള്ള ധനസഹായം എന്നിവയാണ് വരുമാനമാർഗങ്ങൾ. കരിമ്പ് ആണ് പ്രധാനമായും കൃഷി ചെയ്യുന്നത്. (മൗറീഷ്യസിലെ പോലെ തന്നെ) കയറ്റുമതിയുടെ (3.4 Billion Dollars) 85% കരിമ്പു പാടങ്ങളുടെ സംഭാവനയാണ്. തൊഴിലാളികളിൽ 40% പേർ കരിമ്പു കൃഷി ചെയ്യുന്നവരാണ് 4,800 ഡോളർ ആണ് പ്രതിശീർഷ വരുമാനം. ചരിത്രം നോക്കിയാൽ 16-ാം നൂറ്റാണ്ടിൽ പോർട്ടുഗീസ് പര്യവേക്ഷകനായ പെദ് രോമസ് കരാ നസ്(Pedro Mascara has) കണ്ടു പിടിച്ച ദ്വീപാണിത്. 17-ാം നൂറ്റാണ്ടിൽ ഫ്രഞ്ച് നാവികർ റീയൂണിയൻ (Reunion) പിടിച്ചെടുത്തു. 1946-മുതൽ ഫ്രഞ്ച് ഓവർസീസ് ടെറിട്ടറി എന്ന പദവിയും തലസ്ഥാനം. സെൻറ് ഡെന്നിസ് (Saint -Dennis) യൂറോ ആണ് ഇവിടുത്തെ നാണയം.