24/11/2020- കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ- സിംഗപ്പൂർ

           

ഇന്നത്തെ പഠനം
അവതരണം	ജോൺ MT, ചേർത്തല
വിഷയം	കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ
ലക്കം	68

സിംഗപ്പൂർ

ഒരു ദ്വീപ് നഗരപദവും തെക്കു കിഴക്കെ ഏഷ്യയിലെ ഏറ്റവും ചെറിയ രാജ്യവുമാണ് സിംഗപ്പൂർ (സിംഗപ്പൂർ റിപ്പബ്ലിക്). മലേഷ്യയിലെ ജോഹോർ സംസ്ഥാനത്തിനു തെക്കും ഇന്തോനേഷ്യയിലെ റിയാവു ദ്വീപുകൾക്കു വടക്കുമായി മലയൻ ഉപദ്വീപിന്റെ തെക്കേമുനമ്പിൽ സിംഗപ്പൂർ സ്ഥിതി ചെയ്യുന്നു. ഭൂമധ്യരേഖയുടെ വെറും 137 കിലോമീറ്റർ വടക്കാണ്‌ ഇത്

സിംഗപ്പുര എന്ന മലയ് പേരിനെ ഇംഗ്ലീഷ് വൽക്കരിച്ചതാണ് സിംഗപ്പോർ/സിംഗപ്പൂർ. സിംഗപ്പുര എന്ന മലയ് പേരുതന്നെ ഉദ്ഭവിച്ചിരിക്കുന്നത് ഇന്ത്യൻ ഭാഷയായ സംസ്കൃതത്തിൽ നിന്നാണ് സിംഹവും, നഗരം എന്നർത്ഥമുള്ള പുരവും കൂടിചേർന്നാണ് സിംഹപുരം എന്ന സംസ്കൃത വാക്ക് രൂപപ്പെട്ടിരിക്കുന്നത്. സിംഹനഗരം (Lion City) എന്നൊരു വിശേഷണവും ഇതിനാൽതന്നെ സിംഗപ്പൂരിന് ലഭിച്ചിട്ടുണ്ട്. സിംഗപ്പൂരിന്റെ മിക്ക ദേശീയ പ്രതീകങ്ങളിലും സിംഹമുദ്ര കാണാവുന്നതാണ്. എന്നിരുന്നാലും ഈ ദ്വീപിൽ സിംഹങ്ങൾ വസിച്ചിരുന്നു എന്നതിന് സാധ്യത കുറവാണ്; ശ്രീവിജയ സാമ്രാജ്യത്തിലെ രാജകുമാരനായിരുന്ന സംഗ നില ഉത്തമയാണ് ദ്വീപിന് സിംഗപുര എന്ന പേര് നൽകിയത് എന്ന് പറയപ്പെടുന്നു. ഒരുപക്ഷേ അദ്ദേഹം ദ്വീപിൽ മലയൻ കടുവകളെ കണ്ടതുകൊണ്ടാകാം ഇത്തരം ഒരു പേര് നൽകിയതും. ഇത്തരത്തിൽ ദ്വീപിന്റെ പേരിന്റെ ഉദ്പത്തിയെചൊല്ലി നിരവധി വാദപ്രതിവാദങ്ങളും നിലനിൽക്കുന്നുണ്ട് .രണ്ടാം നൂറ്റാണ്ടു മുതൽ തദ്ദേശീയ രാജവംശങ്ങളുടെ അധീനതയിലായിരുന്ന സിംഗപ്പൂർ, ബ്രീട്ടീഷ് അധിനിവേശത്തിനു മുമ്പ് ഒരു മലയൻ മുക്കുവഗ്രാമമായിരുന്നു. 1819 ഇൽ സർ സ്റ്റാംഫോർഡ റാഫിൾസ് ബ്രിട്ടീഷ്‌ ഈസ്റ്റ്‌ ഇന്ത്യാ കമ്പനിക്ക് വേണ്ടി ജോഹോർ രാജവംശത്തിന്റെ അനുമതിയോടുകൂടി രൂപകൽപന ചെയ്തതാണ് ആധുനിക സിംഗപ്പൂർ.

സ്വന്തമായി വളരെക്കുറച്ചുമാത്രം പ്രകൃതിവിഭവങ്ങൾ ഉള്ള സിംഗപ്പൂർ, സ്വാതന്ത്ര്യം നേടുന്ന സമയത്ത് സമൂഹിക- രാഷ്ട്രീയാരക്ഷിതാവസ്ഥയിലും സാമ്പത്തികപരമായി അവികസിതവുമായിരുന്നു. വിദേശനിക്ഷേപവും ലീ ക്വാൻ യു സർക്കാറിന്റെ നേതൃത്വത്തിലുള്ള വ്യവസായവൽക്കരണവും തൽശേഷം ഇലക്ട്രോണിക്സ് ഉൽപ്പന്നങ്ങളുടെ നിർമ്മാണത്തിലും തുറമുഖത്തിലൂടെയുള്ള കയറ്റുമതിയിലും അധിഷ്ഠിതമായ ഒരു സമ്പദ്‌വ്യവസ്ഥയുടെ നിർമ്മാണത്തിനു കാരണമായി. സ്വാതന്ത്ര്യാനന്തരമുള്ള അതിവേഗ വികസനത്തിലൂടെ സിംഗപ്പൂർ ചുരുങ്ങിയ കാലത്തിനുള്ളിൽ തന്നെ വികസിത രാജ്യങ്ങളുടെ പട്ടികയിൽ ഇടം പിടിച്ചു.രാജ്യത്തിന്റെ വലിപ്പക്കുറവുകൊണ്ട് ലോകഭൂപടത്തിലും, ഏഷ്യൻ ഭൂപടത്തിലും സിംഗപ്പൂരിന്റെ ഒരു ചെറിയ ബിന്ദുവായാണ് സൂചിപ്പിക്കുന്നാത്. ഇതേ കാരണത്താൽ ലിറ്റിൽ റെഡ് ഡോട്ട് (Little Red Dot) എന്നൊരു അപരനാമവും സിംഗപ്പൂരിന് ലഭിച്ചിട്ടുണ്ട്.സുപ്രധാന സംഭവങ്ങൾ അടയാളപ്പെടുത്തുന്നതിനായി സ്മാരക സ്റ്റാമ്പുകൾ സാധാരണയായി നൽകുന്നു. യുണൈറ്റഡ് പോസ്റ്റൽ യൂണിയനിലെ (യുപിയു) ഒരു സ്വതന്ത്ര അംഗമെന്ന നിലയിൽ, സിംഗപ്പൂർ 1966 ൽ സ്വാതന്ത്ര്യത്തിന്റെ ആദ്യ വാർഷികം ആഘോഷിച്ച് ആദ്യത്തെ സ്റ്റാമ്പുകൾ പുറത്തിറക്കി.

വംശീയ അശാന്തിയുടെ സമയത്ത് വംശീയവും സാംസ്കാരികവുമായ ഐക്യം വളർത്തുകയെന്ന ലക്ഷ്യത്തോടെ 1968-ൽ ആദ്യത്തെ നിർണായക നിർദേശങ്ങൾ, മാസ്കുകളും നൃത്തങ്ങളും പുറത്തിറക്കി. ആധുനികവത്കരണത്തോടെ, യുവതലമുറയ്ക്ക് അവരുടെ സാംസ്കാരിക വേരുകളുമായി ബന്ധം നഷ്ടപ്പെടുന്നു. ആരാധനാലയങ്ങളും അപ്രത്യക്ഷമായ വ്യാപാരങ്ങളും ചിത്രീകരിക്കുന്ന സ്റ്റാമ്പുകൾ അനശ്വരമാക്കാനും സിംഗപ്പൂരിന്റെ ബഹു സാംസ്കാരിക പൈതൃകം പ്രദർശിപ്പിക്കാനും സഹായിക്കുന്നു ഇവിടെത്തെ നാണയം സിങ്കപ്പൂർ ഡോളറാണ്.

23-11-2020- സ്മാരക നാണയങ്ങൾ- മഹാത്മാ ബസവേശ്വര

            

ഇന്നത്തെ പഠനം
അവതരണം	ഡോ. N.ശ്രീധർ തിരുവനന്തപുരം
വിഷയം	സ്മാരക നാണയങ്ങൾക്ക് പിന്നിൽ
ലക്കം	11

മഹാത്മാ ബസവേശ്വര

12ാം നൂറ്റാണ്ടിൽ കർണാടകത്തിൽ ജീവിച്ചിരുന്ന  ഒരു സാമൂഹ്യ പരിഷ്കർത്താവായിരുന്നു ബസവേശ്വര അഥവാ ബസവണ്ണ. കല്യാണിലെ ചാലൂക്യരുടെയും കാലസൂരികളുടെയും കാലത്ത് ഇദ്ദേഹം സജീവമായിരുന്നു. ബിജ്ജല രണ്ടാമൻ എന്ന കാലസൂരി രാജാവിന്റെ ഭരണ സമയത്ത് പ്രധാനമന്ത്രി എന്ന നിലയിൽ രാജാവിൽ ഇദ്ദേഹത്തിന് നിർണ്ണായക സ്വാധീനം ചെലുത്താൻ സാധിച്ചിരുന്നു. ശൈവ വിശ്വാസിയായിരുന്നു ബസവണ്ണ. അന്നത്തെ സമൂഹത്തിൽ രൂഢമൂലമായിരുന്ന സാമുദായിക അസമത്വത്തെയും സ്ത്രീപുരുഷ വിവേചനത്തെയും ബസവേശ്വരൻ ശക്തിയായി എതിർത്തു. ഏത് ജാതിയിൽ പെട്ടവർക്കും തന്റെ ദൈവഭക്തി പ്രകടിപ്പിക്കാൻ അവകാശമുണ്ടെന്ന് അദ്ദേഹം പറഞ്ഞു. എല്ലായ്പ്പോഴും തനിക്കൊപ്പം ശിവഭഗവാൻ ഉണ്ട് എന്ന വിശ്വാസത്തിന്റെ സൂചനയായി  എല്ലാസമയത്തും ശിവലിംഗം കണ്ഠാഭരണത്തിൽ ധരിക്കാനും അദ്ദേഹം തന്റെ അനുയായികളെ ഉത്ബോധിപ്പിച്ചു. ഈ ശീലം ഇന്നും പുലർത്തുകയും എല്ലാ ജാതിക്കാരെയും ഒന്നായി കാണുകയും ചെയ്യുന്ന  “വീരശൈവ” മതം ഇദ്ദേഹം സ്ഥാപിച്ചതാണെന്ന് പറയുന്നവരുമുണ്ട്. ലിംഗായത്തുകൾ എന്നും ഈ വിഭാഗക്കാർ അറിയപ്പെടുന്നു. ശിവലിംഗം പതിപ്പിച്ച നെക്ലസ്സിനെ "ഇഷ്ടലിംഗ" എന്നാണ് വീരശൈവർ വിളിക്കുന്നത്. വചനം എന്ന് അറിയപ്പെടുന്ന ശ്ലോകങ്ങൾ വഴിയാണ് അദ്ദേഹം തന്റെ ആശയങ്ങൾ ലോകത്തിന് പങ്കുവച്ചത്. ഭക്തി പ്രസ്ഥാനത്തിലെ ശൈവ വിശ്വാസ ശാഖയുടെ ശക്തനായ പ്രചാരകനുമായിരുന്ന ബസവേശ്വരൻ "ഭക്തിഭണ്ഡാരി" എന്നും അറിയപ്പെട്ടിരുന്നു.

1105 ൽ ബസവൻ ബാഗെവാടി എന്ന സ്ഥലത്ത് ഒരു ബ്രാഹ്മണ കുടുംബത്തിൽ ആയിരുന്നു ബസവണ്ണ ജനിച്ചത്. പിതാവ്, ബിജ്ജല രാജാവിന്റെ ഒരു പ്രവിശ്യയുടെ പ്രധാനമന്ത്രിയായിരുന്നു. പിൽക്കാലത്തു് രാജാവ് ബസവണ്ണയെ തന്റെ രാജ്യത്തിന്റെ പ്രധാനമന്ത്രിയാകാൻ  ക്ഷണിച്ചു. ബസവണ്ണയുടെ ഒരു സഹോദരിയെ രാജാവ് വിവാഹം ചെയ്യുകയും ഉണ്ടായി. പ്രധാനമന്ത്രിയെന്ന നിലയിൽ സാമൂഹ്യ വികസനത്തിനായി ഖജനാവ് കൈകാര്യം ചെയ്ത അദ്ദേഹം ശൈവ വിശ്വാസത്തിന്റെ ഉന്നമനത്തിനായി വികസനം ഉപയോഗിക്കുകയും കൂടി ചെയ്തു. ക്ഷേത്രാരാധനയും ക്ഷേത്രാചാരങ്ങളും ഉപേക്ഷിക്കാനും എല്ലായ്പോഴും ശിവലിംഗം ധരിച്ച്  സ്വയം ദൈവസന്നിധിയിൽ ജീവിക്കാനുമാണ് അദ്ദേഹം പഠിപ്പിച്ചത്. “ഷഢ്സ്ഥല വചന”, “കാലജ്ഞാന വചന”, “മന്ത്രഗോപ്യ”, “ഘടചക്ര വചന”, “രാജയോഗ വചന”, “ബസവപുരാണ” തുടങ്ങിവയാണ് അദ്ദേഹത്തിന്റെ പ്രധാന രചനകൾ. ഇന്നത്തെ പുരോഗമിച്ച  സാമൂഹ്യ വ്യവസ്ഥിതിയിൽ പോലും ഒൻപത് നൂറ്റാണ്ടുകൾക്കു മുൻപുണ്ടായ  ബസവേശ്വര ദർശനങ്ങൾ പ്രസക്തി നിലനിർത്തുന്നു എന്നത് അദ്ഭുതാദരങ്ങളോടെയല്ലാതെ നമുക്ക് കാണാൻ കഴിയില്ല തന്നെ.

2006 ൽ ഇദ്ദേഹത്തിന്റെ സ്മരണാർത്ഥം 100, 5 രൂപ മുഖവിലയ്ക്കുള്ള നാണയങ്ങൾ പുറത്തിറക്കുകയുണ്ടായി.

നാണയ വിവരണം

നടുവിൽ ബസവേശ്വരന്റെ ശിരസ്സ്, മുകളിൽ ഇടത്ത് ഹിന്ദിയിലും വലത്ത് ഇംഗ്ലീഷിലും "മഹാത്മാ ബസവേശ്വർ", എന്ന എഴുത്ത്, അരികിൽ താഴെ "ഭക്തി, കായക് (കർമ്മം അഥവാ ശരിയായ പ്രവൃത്തി), ദാസോഹ് (സൗജന്യ സേവനം), സമത (സമത്വം)" എന്ന സന്ദേശവും മിന്റ് മാർക്കും എന്ന രീതിയിലാണ് ഇതിന്റെ പിൻപുറത്തിന്റെ രൂപകൽപന.

സാങ്കേതിക വിവരണം

1) മൂല്യം - 100 രൂപ, ഭാരം - 35 ഗ്രാം, വ്യാസം - 44 മില്ലിമീറ്റര്‍, ലോഹം - വെള്ളി - 50%, ചെമ്പ് - 40%, നിക്കൽ - 5%, നാകം - 5%, വരകള്‍ (serration) - 200

2) മൂല്യം - 5 രൂപ, ഭാരം - 9 ഗ്രാം, വ്യാസം - 23 മില്ലിമീറ്റര്‍, ലോഹം - ചെമ്പ് - 75%, നിക്കൽ - 25%, വരകള്‍ (serration) - 100

22-11-2020- പഴമയിലെ പെരുമ- പറ

   

ഇന്നത്തെ പഠനം
അവതരണം	സലീം പടവണ്ണ
വിഷയം	പഴമയിലെ പെരുമ
ലക്കം	18

പറ

ധാന്യങ്ങൾ അളക്കുന്നതിന്‌ കേരളത്തിൽ ഉപയോഗിച്ചിരുന്ന അളവുപാത്രമാണ്‌ പറ. എന്നാൽ ഇതിലുപരിയായി കൃഷിസ്ഥലങ്ങളുടെ അളവ് വരെ പറ കണക്കിൽ പറയാറുണ്ട്. പത്ത് പറ കണ്ടം എന്നു പറയുന്നത്, പത്തു പറ വിത്ത് വിതയ്ക്കാൻ വേണ്ട സ്ഥലമാണ്.

പറ തന്നെ വിവിധ തരത്തിലും അളവുകളിലുമുണ്ട് എട്ടാം പറ, പത്താം പറ, ഏട്ടൻ പറ, പാട്ടപറ, വടിപ്പൻ എന്നാൽ സാധാരണ മലബാറിൽ നടപ്പുള്ള സമ്പ്രദായപ്രകാരം 10 ഇടങ്ങഴി ഒരു പറ എന്നാണ് കണക്കാക്കി പോരുന്നത്. നാല് നാഴി ഒരിടങ്ങഴി; 6 നാഴി ഒരു സേർ (മാക്ക് മില്യൻ സേർ മാക് മില്യൻ എന്ന ബ്രിട്ടീഷ് റവന്യൂ ഉദ്യോഗസ്ഥൻ നടപ്പാക്കിയത് കൊണ്ട് ഈ പേർ പറയുന്നു) എന്നിങ്ങനെയും കണക്കാക്കുന്നു. എന്നാൽ വള്ളുവനാടൻ ഭാഗങ്ങളിൽ 60നാഴി അഥവാ 10 നാരായം കൊള്ളുന്ന നാരായപ്പറയാണ് നിലവിലുണ്ടായിരുന്നത്. പറ വയ്ക്കുക , പറയിടൽ നെൽകൃഷിയുമായി ഇഴചേർന്ന ഒരു അനുഷ്ഠാനമാണിതിത്.  നെൽപാടങ്ങളിൽ സമൃദ്ധമായി നെല്ലുവിളയുകയും വിളവു ലഭിക്കുകയും ചെയ്യുമ്പോൾ ആ ഉത്പന്നത്തിന്റെ ഒരു ഭാഗം ദേശദേവനോ ദേവിക്കോ ഭക്തിപൂർവ്വം സമർപ്പിക്കുന്ന ചടങ്ങാണിത്.

നിറപറ :-

ഐശ്വശ്യത്തിന്റെ പ്രതീകം എന്ന നിലയിൽ മംഗളകർമ്മങ്ങൾ നടക്കുമ്പോൾ നെല്ല് നിറച്ച പറ ഒരുക്കുന്നത് ഒരു കേരളീയ ആചാരമാണ്. പറനിറയെ നെല്ലും അതിൽ തെങ്ങിൻ പൂക്കുലയും വയ്ക്കുന്നു.

എന്റെ ശേഖരണത്തിലെ പറ ഇതോടൊപ്പം പോസ്റ്റ്‌ ചെയ്യുന്നു...

21-11-2020- റിപ്പബ്ലിക് ഇന്ത്യ നാണയങ്ങൾ- ജവഹർലാൽ നെഹ്റു ജന്മദിനം

        

ഇന്നത്തെ പഠനം
അവതരണം	BMA കരീം പെരിന്തൽമണ്ണ
വിഷയം	റിപ്പബ്ലിക് ഇന്ത്യ നാണയങ്ങൾ
ലക്കം	57

 ജവഹർലാൽ നെഹ്റു   ജന്മദിനം

ഇജവഹർലാൽ നെഹ്രുവിന്റെ  125 ആം ജന്മവാർഷികത്തിൽ ഇന്ത്യ പുറത്തിറക്കിയ നാണയങ്ങളെ കുറിച്ചാണ് ഇന്നത്തെ ലക്കത്തിൽ പ്രതിപാദിച്ചിട്ടുള്ളത്.

ഇത് കഴിഞ്ഞ രണ്ട് ലക്കങ്ങളുടെ തുടർച്ചയാണ്. കഴിഞ്ഞ ലക്കത്തിൽ നെഹ്രുവിന്റെ 100 ആം ജന്മവാർഷികത്തിൽ ഇന്ത്യ പുറത്തിറക്കിയ നാണയങ്ങളെ കുറിച്ചായിരുന്നു പ്രതിപാദിച്ചിരുന്നത്.

നെഹ്റുവിനെ ആദരിച്ച് ഇന്ത്യ മൂന്ന് തവണ സ്മരണിക നാണയങ്ങൾ പുറത്തിറക്കിയിട്ടുണ്ട്. 

ഇന്ത്യൻ നാണയങ്ങളിൽ ഒന്നിലധികം തവണ ആദരിക്കപ്പെട്ട രണ്ട് മഹത് വ്യക്തികളാണ്  ജവഹർലാൽ നെഹ്റുവും മഹാത്മാഗാന്ധിയും.

20/11/2020- തീപ്പെട്ടി ശേഖരണം- കലപ്പ

          

ഇന്നത്തെ പഠനം
അവതരണം	സന്തോഷ് ഗിൽബർട്ട് തൃക്കാക്കര
വിഷയം	തീപ്പെട്ടി ശേഖരണം
ലക്കം	111

കലപ്പ

കൃഷിയിൽ വിത്ത് വിതക്കോ നടീലിനോ മുമ്പായി മണ്ണ് ഇളക്കി മറിച്ച് തയ്യാറാക്കുന്നതിന് ഉപയോഗിക്കുന്ന ഉപകരണമാണ്  കലപ്പ . കലപ്പ ഉപയോഗിച്ച് മണ്ണ് ഇളക്കിമറിക്കുന്ന പ്രക്രിയയെ ഉഴവ്  അല്ലെങ്കിൽ ചാലു കീറൽ എന്നു പറയുന്നു. മേൽമണ്ണ് ഇളക്കി പോഷകങ്ങൾ മുകളിലേക്ക് കൊണ്ടുവരുന്നതിനും മുൻ വിളയിറക്കലിലെ അവശിഷ്ടങ്ങളും കളകളും മണ്ണിനടിയിലേക്ക് പോകുന്നതിനുമാണ് മണ്ണ് ഉഴുകുന്നത്. കൂടാതെ മണ്ണിലെ വായുസഞ്ചാരം കൂടുന്നതിനും അതുവഴി മണ്ണിൽ ഈർപ്പം തങ്ങിനിൽക്കുന്നതിനും ഇത് സഹായിക്കുന്നു.കലപ്പയുടെ ഉപയോഗം കൃഷിയുടെ ചരിത്രത്തിലെ വളരെ പ്രധാനപ്പെട്ട പുരോഗതികളിലൊന്നാണ്. ആദ്യകാലങ്ങളിൽ കാളകളെ ആയിരുന്നു കലപ്പ വലിക്കാൻ ഉപയോഗിച്ചിരുന്നത്. പിന്നീട്  കുതിരകളെയും ഉപയോഗിച്ചു തുടങ്ങി. വ്യവസായവൽക്കൃത രാജ്യങ്ങളിൽ ആവിയന്ത്രം നിലമുഴലിന് ഉപയോഗിച്ചുതുടങ്ങി. ഇവ ക്രമേണ യന്ത്രസഹായത്താൽ പ്രവർത്തിക്കുന്ന ട്രാക്ടറുകൾക്ക് വഴിമാറി.ജീവിത രീതിയുടെ പ്രത്യേകത കൊണ്ട് മണ്ണീൽ സൂക്ഷ്മ രൂപത്തിൽ ഇതേ ഗുണം ചെയ്യുന്ന  മണ്ണിര  "പ്രകൃതിയുടെ കലപ്പ" എന്നറിയപ്പെടുന്നു.

എന്റെ ശേഖരണത്തിലെ കലപ്പയുടെ ചിത്രമുള്ള തീപ്പെട്ടി താഴെ ചേർക്കുന്നു..........

18-11-2020- ചിത്രത്തിനു പിന്നിലെ ചരിത്രം(56) - ഷമാം (Musk Melon)

        

ഇന്നത്തെ പഠനം
അവതരണം	രാജീവൻ കാഞ്ഞങ്ങാട്
വിഷയം	ചിത്രത്തിനുപിന്നിലെ ചരിത്രം
ലക്കം	56

  ഷമാം  (Musk Melon)

കുമ്പളങ്ങയുടെ ആകൃതിയുള്ള മുറിച്ചാൽ മത്തങ്ങയോടു സാമ്യമുള്ള ഈ പഴത്തിന് ഷമാം എന്നാണ് വടക്കൻ കേരളത്തില്‍ പേര്. മസ്ക് മെലൺ (Musk Melon) എന്നും കാന്റ് ലോപ് എന്നും ഇംഗ്ലീഷിൽ പേരുള്ള ഇതിനെ മലയാളത്തിൽ തയ്ക്കുമ്പളം എന്നു വിളിക്കും.മധുരവും സുഗന്ധവുമുള്ള പഴമാണ് മസ്‌ക്മെലൻ.

മസ്‌ക്മെലൻ അതിന്റെ സവിശേഷമായ സ്വാദിനുപുറമെ, പ്രധാനപ്പെട്ട പോഷകങ്ങളുടെ ഒരു സമ്പത്ത് നൽകുന്നു, മാത്രമല്ല ആരോഗ്യപരമായ പല ഗുണങ്ങളുമായി ബന്ധപ്പെട്ടിരിക്കുന്നു.

ഗള്‍ഫില്‍ ഏറെ പ്രചാരമുള്ള ഫ്രൂട്‌സ് ആണ് ഷമാം.ഓസ്‌ട്രേലിയ, ന്യൂസിലന്‍ഡ് എന്നിവിടങ്ങളില്‍ നിന്ന് ഇറക്കുമതി ചെയ്യുന്ന ഷമാം പഴം.(റോക്ക് മെലണ്‍, സ്വീറ്റ് മെലണ്‍)

കുക്കുർബിറ്റേസീ കുടുംബത്തിൽപ്പെട്ട ഒരു ഫലമാണ് ഷമാം. മസ്ക് മെലൺ എന്നറിയപ്പെടുന്ന ഈ ഫലം പഴമായും ജ്യുസാക്കിയും കഴിക്കാൻ ഉത്തമമാണ്. സ്വീറ്റ് മെലൺ (Sweet Melon) എന്ന് ഇംഗ്ലീഷിലും മുലാം പഴം എന്ന് തമിഴിലും പറയുന്ന ഈ പഴത്തിന് അറബിയിൽ ഷമാം എന്നാണ് പറയുന്നത്.

18/11/2020- കറൻസിയിലെ വ്യക്തികൾ- മുഹമ്മദ് ദാവൂദ് ഖാൻ

        

ഇന്നത്തെ പഠനം
അവതരണം	ഹനീസ് M. കിളിമാനൂർ
വിഷയം	കറൻസിയിലെ വ്യക്തികൾ
ലക്കം	23

   

മുഹമ്മദ് ദാവൂദ് ഖാൻ

അഫ്ഗാനിസ്താന്റെ ആദ്യത്തെ പ്രസിഡണ്ടാണ് മുഹമ്മദ് ദാവൂദ് ഖാൻ (ജീവിതകാലം:1909 ജൂലൈ 18 – 1978 ഏപ്രിൽ 28). അഫ്ഗാൻ രാജകുടുംബാംഗമായിരുന്ന മുഹമ്മദ് ദാവൂദ് ഖാൻ, തന്റെ ബന്ധുവും രാജാവുമായ മുഹമ്മദ് സഹീർ ഷായെ അട്ടിമറിക്കുകയും രാജഭരണത്തിന് അന്ത്യം വരുത്തുകയും ചെയ്തുകൊണ്ടാണ് 1973-ൽ പ്രസിഡണ്ടായി പ്രഖ്യാപിച്ചത്. ഇദ്ദേഹം രൂപീകരിച്ച ഭരണകൂടം റിപബ്ലിക് ഓഫ് അഫ്ഗാനിസ്താൻ എന്നറിയപ്പെടുന്നു. 1978-ൽ സോർ വിപ്ലവഫലമായി ഇദ്ദേഹം കൊല്ലപ്പെടുന്നതുവരെ വരെ രാജ്യത്തിന്റെ പ്രസിഡണ്ടായിരുന്നു. പ്രസിഡണ്ടാകുന്നതിനു മുൻപ് 1953 മുതൽ 1963 വരെ സഹീർ ഷാ രാജാവിനു കീഴിൽ പ്രധാനമന്ത്രിയായും ദാവൂദ് ഖാൻ പ്രവർത്തിച്ചിട്ടുണ്ട്. അഫ്ഗാനിസ്താൻ, സോവിയറ്റ് യൂനിയനുമായുള്ള ബന്ധം ആരംഭിച്ചത് ദാവൂദ് ഖാന്റെ ഭരണകാലത്താണ്. പഞ്ചവത്സരപദ്ധതികളിലൂടെ ആധുനികവൽക്കരണം നടപ്പാക്കുകയും സ്ത്രീകൾക്ക് തുല്യാവകാശങ്ങൾ നൽകാനുള്ള നിയമങ്ങൾ നടപ്പാക്കിയതിലൂടെ മുഹമ്മദ് ദാവൂദ് ഖാൻ, അഫ്ഗാനിസ്താൻ രാഷ്ട്രീയത്തിൽ ശ്രദ്ധേയനായ വ്യക്തിയായിരുന്നു. തുടക്കത്തിൽ കമ്മ്യൂണിസ്റ്റുകളുടെ കൂട്ടുപിടിച്ചാണ് ദാവൂദ് ഖാൻ പ്രസിഡണ്ട് പദവിയിലെത്തിയതെങ്കിലും കാലക്രമേണ, രാജ്യത്തെ കമ്മ്യൂണിസ്റ്റ് പ്രവർത്തകരെ അടിച്ചമർത്തുന്നതിനുള്ള നടപടികൾ അദ്ദേഹം കൈക്കൊണ്ടു. തൽഫലമായി 1978-ൽ സോർ വിപ്ലവത്തിലൂടെ ദാവൂദ് ഖാനെ അട്ടിമറിച്ച് പി.ഡി.പി.എ.യുടെ നേതൃത്വത്തിലുള്ള കമ്മ്യൂണിസ്റ്റ് സർക്കാർ അധികാരത്തിലെത്തി.

അഫ്ഗാനിസ്ഥാൻ 1977 ൽ പുറത്തിറക്കിയ 1000 അഫ്ഗാനി കറൻസി നോട്ട്.

മുൻവശം (Obverse): മുഹമ്മദ് ദാവൂദ് ഖാൻ്റെ ഛായാചിത്രവും, അഫ്ഗാനിസ്ഥാൻ്റെ ചിഹ്നവും ആലേഖനം ചെയ്തിരിക്കുന്നു.

പിൻവശം (Reverse): അഫ്ഗാനിസ്ഥാനിലെ മസാർ - ഇ-ഷെരീഫിൻ്റെ ഹൃദയഭാഗത്തു സ്ഥിതി ചെയ്യുന്ന ഹസ്രത്ത് അലി മോസ്ക് (ബ്ലൂ മോസ്ക്) ചിത്രീകരിച്ചിരിക്കുന്നു.

17/11/2020- കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ- തായ് വാൻ

          

ഇന്നത്തെ പഠനം
അവതരണം	ജോൺ MT, ചേർത്തല
വിഷയം	കുഞ്ഞുരാജ്യത്തെ വിലപ്പെട്ട സ്റ്റാമ്പുകൾ
ലക്കം	67

തായ് വാൻ

ചൈന വൻകരയിൽ നിന്നും 200 കി.മീ അകലെ തയ് വാൻ കടലിടുക്കിന് അപ്പുറം മാണ് തായ് വാൻ ദ്വീപിന്റെ സ്ഥാനം തായ് വാന്റെ കിഴക്ക് ഭാഗം മുഴുവൻ മലനിരകളാണ് പസഫിക്ക് സമുദ്രതീരം . അതേസമയം പടിഞാറു ഭാഗത്ത് സമതലങ്ങളാണ് അവിടെ ജനങ്ങൾ ഏറെയും പാർക്കുന്നത് തായ് വാനിലെ(Republic of China/Formosa) 86 ശതമാനം ജനങ്ങളും ചൈനയിലെ പോലെ(P.R.C= Peoples Republic of China)  ഹാൻ ചൈനീസ് വംശജരാണ്. താവോ . കൺഫ്യൂഷിയൻ . മതക്കാരാണ് ഭൂരിഭാഗവും ബുദ്ധമത ക്രിസ്തുമത വിശ്വാസത്തിനും പ്രചാരം ഉണ്ട് . മൂന്ന് കോടി യോളം ജനങ്ങൾ ഈ നാട്ടിൽ വസിക്കുന്നു മൻഡരിൻ  തായ് വാനീസ്. ആണ് ഭാഷ കൃഷിക്ക് ഉപയോഗിക്കുന്ന മൃഗങ്ങളെ കൊല്ലുന്നത് പാവം മായി കരുതുന്നതിനാൽ മീൻ ആണ് പ്രധാനം അരിയാണ് മുഖ്യ ആഹാരം പപ്പായ, തണ്ണി മത്തൻ പ്രധാന പഴവർഗം .നയന്ത്ര രംഗത്ത്. തായ് വാൻ വലിയ ഒരു പ്രശ്നം തന്നെയാണ് ചൈന തായ് വാനെ തങ്ങളുടെ    നാടിന്റെ ഭാഗം മായി കരുതുന്നു ( Falklands , CRIMEA) പോലെ അന്തരാഷട്ര വേദിയിൽ തായ് വാൻ( ചൈനീസ് തായ് പൈ , റിപ്പബ്ലിക്ക് ഓഫ് ചൈന) എന്ന പേരിലാണ് അറിയപ്പെടുന്നത് അതേ പോലെ സ്വന്തം പതാക ഉപയോഗിക്കാനും അധികാരം മില്ല ചൈനയുടെ നയതന്ത്ര വിജയം കാരണം ചൈന പറയുന്നത് അവരുടെ ഒരു പ്രവിശ്യമാത്രമാണ് തായ് വാൻ എന്നതാണ് 24 രാജ്യങ്ങൾ മാത്രം മാണ് തായ് വാനുമായി നയതന്ത്ര ബന്ധം പുലർത്തുന്നത്. കുമിത്താങ് കലാപകാരികളും മായി. ചിയാൻ - കെയ് - ഷെക് തായ് വാനിലേക്ക് ആണ് പലായനം ചെയ്തത് . തലസ്ഥാനം തായ് പൈ  നാണയം . തായ് വാനീസ് ഡോളർ

16-11-2020- സ്മാരക നാണയങ്ങൾ- സര്‍ദാര്‍ വല്ലഭ്ഭായ് പട്ടേല്‍

           

ഇന്നത്തെ പഠനം
അവതരണം	ഡോ. N.ശ്രീധർ തിരുവനന്തപുരം
വിഷയം	സ്മാരക നാണയങ്ങൾക്ക് പിന്നിൽ
ലക്കം	10

സര്‍ദാര്‍ വല്ലഭ്ഭായ് പട്ടേല്‍

സ്വാതന്ത്യാനന്തര ഭാരതത്തിന്റെ ആഭ്യന്തര മന്ത്രിയും ഉപപ്രധാനമന്ത്രിയും ആയിരുന്നു സർദാർ വല്ലഭ്ഭായി പട്ടേൽ. ഐക്യ ഭാരതത്തിന്റെ സ്രഷ്ടാവ് എന്ന നിലയിലുള്ള  അദ്ദേഹത്തിൻറെ സേവനം അവിസ്മരണീയമാണ്. ബ്രിട്ടീഷുകാരുടെ പക്കൽ നിന്നും ആർജ്ജിച്ചതും സ്വതന്ത്ര നാട്ടുരാജ്യങ്ങളായി നിലനിന്നതും ആയ എല്ലാ പ്രദേശങ്ങളെയും ഒരു ഭരണത്തിൻ കീഴിൽ എത്തിക്കാൻ അദ്ദേഹത്തിനു കഴിഞ്ഞു. ഇത് ഭാരതത്തിലെ ഉരുക്കുമനുഷ്യൻ എന്ന വിശേഷണം അദ്ദേഹത്തിന് നേടിക്കൊടുത്തു. 2018 ഒക്ടോബർ 31ന് അനാച്ഛാദനം ചെയ്യപ്പെട്ട "Statue of Unity”(ഏകതാ പ്രതിമ)  ഈ നേട്ടത്തിന്, ഭാരതത്തിന് അദ്ദേഹത്തോടുള്ള കടപ്പാടിന്റെ പ്രതീകമാണ്. ഭാരതത്തിന്റെ എല്ലാ ദേശങ്ങളിൽ നിന്നും സമാഹരിച്ച ലോഹം ഉപയോഗിച്ച് 597 അടി ഉയരത്തിൽ വെങ്കലത്തിൽ നിർമിച്ച ഈ സ്മാരകം ലോകത്തിലെ ഏറ്റവും ഉയരം കൂടിയ പ്രതിമയാണ്.

ഗുജറാത്തിലെ നടിയാദ് ഗ്രാമത്തിൽ  1875 ഒക്ടോബര്‍ 31നാണ് ഇദ്ദേഹത്തിന്റെ ജനനം. അഭിഭാഷകനായി തിളങ്ങിനിന്ന സമയത്ത് 1917 ൽ ഗാന്ധിജിയെ സന്ദർശിച്ചതോടെ സ്വാതന്ത്ര്യ സമരത്തിലേക്ക് ശ്രദ്ധ തിരിക്കുകയും ജീവിതം അതിനായി സമർപ്പിക്കുകയും ചെയ്തു. നിസ്സഹകരണ സമരവും ക്വിറ്റ് ഇന്ത്യാ സമരവും ദേശമാകെ പടർന്നതിൽ ഇദ്ദേഹത്തിന്റെ പ്രസംഗങ്ങൾ വഹിച്ച പങ്ക് വളരെ വലുതാണ്. നാനാ ജാതി മതസ്ഥരെ ദേശ, ജാതി, വർണങ്ങൾ വിസ്മരിച്ച് ദേശസ്നേഹത്തിന്റെ കൂരക്ക് കീഴിൽ ഒന്നിക്കാൻ പ്രേരിപ്പിച്ചത് ഇദ്ദേഹത്തിന്റെ പ്രഭാഷണങ്ങളായിരുന്നു.

 സർദാർ എന്നാൽ മുഖ്യൻ എന്നാണർത്ഥം. പഞ്ചാബിനെയും ബംഗാളിനെയും വിഭജിച്ച് ഒരു ഭാഗം ഇന്ത്യയിൽ നിലനിർത്തിയതിന്റെ പ്രധാന ആസൂത്രകനും ഇദ്ദേഹമായിരുന്നു. സ്വാതന്ത്ര്യലബ്ധിയോടെ ഇന്ത്യയിലേക്ക് പലായനം ചെയ്ത അഭയാർത്ഥികളെ പുനരധിവസിപ്പിക്കാൻ സർദാർ പട്ടേൽ നേതൃത്വം നൽകി. ഇന്ത്യയിൽ സിവിൽ സർവീസിന് തുടക്കം കുറിച്ചതും അദ്ദേഹം തന്നെ.  വിട്ടുവീഴ്ചയില്ലാത്ത ദേശസ്നേഹത്തിൻ്റെ മകുടോദാഹരണമായിരുന്ന സർദാർ വല്ലഭ്ഭായി പട്ടേൽ നമ്മുടെ ഭരണഘടന രൂപപ്പെടുത്തുന്നതിൽ വളരെ വലിയ സ്വാധീനം ചെലുത്തി. നെഹ്രുവുമായി പല കാര്യങ്ങളിലും വിയോജിപ്പ്  ഉണ്ടായിരുന്നുവെങ്കിലും സന്നിഗ്ദ്ധ ഘട്ടങ്ങളിൽ  അദ്ദേഹത്തിന്റെ  രക്ഷക്കെത്തിയിരുന്നതും സർദാർജി ആയിരുന്നു. ഇന്ത്യയോടു ചേരാതെ വിഘടിച്ചു നിന്ന ഹൈദരാബാദിനെ യുദ്ധമുറ ഉപയോഗിച്ച് ഇന്ത്യയോട് ചേർത്തതും ഡൽഹിയിൽ രൂപം പ്രാപിച്ചു വന്ന കലാപത്തെ അമർച്ച ചെയ്തതും മുസ്ലിം അഭയാർത്ഥികളെ റെഡ് ഫോർട്ടിൽ സുരക്ഷിതമായി താമസിപ്പിക്കുകയും സമൂഹ അടുക്കളകൾ വഴി ഭക്ഷണം നൽകുകയും ചെയ്തതുമെല്ലാം അദ്ദേഹത്തിന്റെ ദീർഘവീക്ഷണവും കുശാഗ്രബുദ്ധിയും വെളിവാക്കുന്ന സംഭവങ്ങളാണ്. 1950 ന്റെ മദ്ധ്യത്തോടെ ആരോഗ്യപരമായി കടുത്ത വെല്ലുവിളികൾ നേരിട്ട അദ്ദേഹം തന്റെ അന്ത്യത്തെ കുറിച്ച് വാചാലനാകാറുണ്ടായിരുന്നു. 1950 ഡിസംബർ 15ാം  തിയതി അദ്ദേഹം ഇഹലോക വാസം വെടിഞ്ഞു.

1996 ൽ സർദാറിന്റെ 100, 50, 10, 2 രൂപാ സ്മാരകനാണയങ്ങൾ നിർമ്മിച്ച് ഭാരതം അദ്ദേഹത്തെ ആദരിച്ചു.

നാണയ വിവരണം

 നാണയത്താന്‍റെ പിൻപുറത്ത് നടുവിൽ സർദാർ പട്ടേൽജിയുടെ ശിരസ്സും അരികിൽ ഇടത്ത് ഹിന്ദിയിലും വലത്ത് ഇംഗ്ലീഷിലും "സർദാർ വല്ലഭ് ഭായി പട്ടേൽ" എന്ന് ലിഖിതവും നടുവിൽ താഴെ വർഷവും "എം" എന്ന മിന്റ് മാർക്കും കാണുന്നു.

വർഷത്തിന് ഇരുവശത്തും രണ്ട് ഡയമണ്ട് ചിഹ്നങ്ങളും ഉണ്ട്.

സാങ്കേതിക വിവരണം

1- മൂല്യം - 100 രൂപ, ഭാരം - 35 ഗ്രാം, വ്യാസം - 44 മില്ലിമീറ്റര്‍, ലോഹം - വെള്ളി - 50%, ചെമ്പ് - 40%, നിക്കൽ - 5%, നാകം - 5%, വരകള്‍ (serration) - 200.

2- മൂല്യം - 50 രൂപ, ഭാരം -  30 ഗ്രാം, വ്യാസം - 39 മില്ലിമീറ്റര്‍, ലോഹം - ചെമ്പ് - 75%, നിക്കൽ - 25%, വരകള്‍ (serration) - 180.

3- മൂല്യം - 10 രൂപ, ഭാരം - 12.5 ഗ്രാം, വ്യാസം - 31 മില്ലിമീറ്റര്‍, ലോഹം - ചെമ്പ് - 75%, നിക്കൽ - 25%, വരകള്‍ (serration) - 150.

4- മൂല്യം - 2 രൂപ, ഭാരം - 6 ഗ്രാം, ലോഹം - ചെമ്പ് - 75%, നിക്കൽ - 25%.

15-11-2020- പഴമയിലെ പെരുമ- നെഞ്ചക് (Nunchaku)

  

ഇന്നത്തെ പഠനം
അവതരണം	സലീം പടവണ്ണ
വിഷയം	പഴമയിലെ പെരുമ
ലക്കം	17

നെഞ്ചക്

(Nunchaku)

നഞ്ചാക്കു ഒരു പരമ്പരാഗത ഒക്കിനവാൻ (ഒക്കിനാവയിലെ ആദിവാസികൾക്കിടയിൽ ഉത്ഭവിച്ച കരാട്ടെ, തെഗുമി, ഓകിനവാൻ കൊബുഡെ തുടങ്ങിയ ആയോധനകലകളെയാണ് ഒകിനവാൻ ആയോധനകല എന്ന് പറയുന്നത്) ആയോധനകല ആയുധമാണ്, അതിൽ ഒരു അറ്റത്ത് ഒരു ചെറിയ ചെയിൻ അല്ലെങ്കിൽ കയറുമായി ബന്ധിപ്പിച്ചിരിക്കുന്ന രണ്ട് വിറകുകൾ അടങ്ങിയിരിക്കുന്നു. ആയുധത്തിന്റെ രണ്ട് ഭാഗങ്ങൾ സാധാരണയായി മരം കൊണ്ടാണ് നിർമ്മിച്ചിരിക്കുന്നത്, അതേസമയം ലിങ്ക് ഒരു ചരട് അല്ലെങ്കിൽ ലോഹ ശൃംഖലയാണ്. ഈ ആയുധം പ്രയോഗിക്കുന്ന വ്യക്തിയെ നഞ്ചാകുക എന്നാണ് വിളിക്കുന്നത്.

ഒകിനവാൻ കൊബുഡെ, കരാട്ടെ തുടങ്ങിയ ആയോധനകലകളിലാണ് നഞ്ചാക്കു ഏറ്റവും വ്യാപകമായി ഉപയോഗിക്കുന്നത്. ഇത്  ഒരു പരിശീലന ആയുധമായാണ് ഉപയോഗിക്കുന്നത്, കാരണം ഇത് വേഗത്തിൽ കൈ ചലനങ്ങൾ വികസിപ്പിക്കാൻ അനുവദിക്കുകയും ഭാവം മെച്ചപ്പെടുത്തുകയും ചെയ്യുന്നു.  പ്രൊഫഷണൽ ആയോധനകല സ്കൂളുകളിൽ ഒഴികെ ചില രാജ്യങ്ങളിൽ ഈ ആയുധം കൈവശം വയ്ക്കുന്നത് നിയമവിരുദ്ധമാണ്.

ആധുനിക കാലഘട്ടത്തിൽ, നടനും ആയോധന കലാകാരനുമായ ബ്രൂസ് ലീയും അദ്ദേഹത്തിന്റെ ആയോധനകല വിദ്യാർത്ഥിയും (ഫിലിപ്പിനോ ആയോധനകലയുടെ അദ്ധ്യാപകനുമായ) ഡാൻ ഇനോസാന്റോയാണ് നഞ്ചാക്കു (തബക്-ടൊയോക്ക്) ജനപ്രിയമാക്കിയത്.

14-11-2020- റിപ്പബ്ലിക് ഇന്ത്യ നാണയങ്ങൾ- ജവഹർലാൽ നെഹ്റു ജന്മദിനം

       

ഇന്നത്തെ പഠനം
അവതരണം	BMA കരീം പെരിന്തൽമണ്ണ
വിഷയം	റിപ്പബ്ലിക് ഇന്ത്യ നാണയങ്ങൾ
ലക്കം	56

 ജവഹർലാൽ നെഹ്റു   ജന്മദിനം

ഇന്ന് ജവഹർലാൽ നെഹ്രുവിന്റെ ജന്മദിനം. നെഹ്രുവിന്റെ  100ആം ജന്മവാർഷികത്തിൽ ഇന്ത്യ പുറത്തിറക്കിയ നാണയങ്ങളെ കുറിച്ചാണ് ഇന്നത്തെ ലക്കത്തിൽ പ്രതിപാദിച്ചിട്ടുള്ളത്.

ഇത് കഴിഞ്ഞ ലക്കത്തിൻ്റെ തുടർച്ചയാണ്. കഴിഞ്ഞ ലക്കത്തിൽ നെഹ്രു അന്തരിച്ച വർഷത്തിലെ (1964) ജന്മവാർഷികത്തിൽ ഇന്ത്യ പുറത്തിറക്കിയ നാണയങ്ങളെ കുറിച്ചായിരുന്നു പ്രതിപാദിച്ചിരുന്നത്.

13/11/2020- തീപ്പെട്ടി ശേഖരണം- ജസ്പ്രീത് ബുംറ

         

ഇന്നത്തെ പഠനം
അവതരണം	സന്തോഷ് ഗിൽബർട്ട് തൃക്കാക്കര
വിഷയം	തീപ്പെട്ടി ശേഖരണം
ലക്കം	110

ജസ്പ്രീത് ബുംറ

ഒരു ഇന്ത്യൻ ക്രിക്കറ്റ് താരം ആണ് ജസ്പ്രീത് ജസ്ബിർ സിംഗ് ബുംറ 1993 ഡിസംബർ 6 ന് ഗുജറാത്തിലെ അഹമ്മദാബാദിലാണ് ജനനം കൃത്യതയാർന്ന യോർക്കർ, ഇൻ സ്വിംഗിംഗ് ഡെലിവറികളിൽ ബുമ്രയ്ക്ക് മികച്ച പ്രാവീണ്യം ആണ് ഉള്ളത്.  മണിക്കൂറിൽ 140–145 കിലോമീറ്റർ  വേഗതയിൽ പന്തെറിയുന്ന ബുംറ ഇന്ത്യയിലെ ഏറ്റവും വേഗതയേറിയ ബൗളർമാരിൽ ഒരാളാണ്.

2015- 16 ലെ ഓസ്ടേലിയൻ പര്യടനത്തിനുള്ള ഇന്ത്യൻ ടീമിലെ പരുക്കേറ്റ ഭുവനേശ്വർ കുമാറിന് പകരക്കാരനായാണ് അരങ്ങേറ്റം കുറിച്ചത്. ക്രിക്കറ്റിന്റെ എല്ലാ ഫോർമാറ്റിലും തന്റെതായ കഴിവ് തെളിയിച്ചിട്ടുള്ള കളിക്കാരൻ കൂടിയാണ് ജസ്പ്രീത്  ബുംറ . ഇന്ത്യൻ പ്രീമിയർ ലീഗ് ടീം ആയ മുംബൈ ഇന്ത്യൻസിനായി 2013 മുതൽ കളിക്കുന്നു. കഴിഞ്ഞ 2020 സീസണിൽ 15 കളികളിൽ നിന്ന് 27 വിക്കറ്റുകളോടെ കൂടുതൽ വിക്കറ്റുകൾ നേടിയവരുടെ ഗണത്തിൽ 2 ആം സ്ഥാനം ബുംറയ്ക്ക് ആണ് . ഓസ്ട്രേലിയ , ഇംഗ്ലണ്ട് , ദക്ഷിണാഫ്രിക്ക , എന്നീ ടീമുകൾക്കെതിരെ അവരുടെ നാട്ടിൽ ഒരു ടെസ്റ്റിൽ 5 വിക്കറ്റ് നേട്ടം കൈവരിച്ച ആദ്യ ഏഷ്യൻ ബൗളർ ആണ് ബുംറ കൂടാതെ അരങ്ങേറ്റ വർഷം തന്നെ ഏറ്റവും കൂടുതൽ വിക്കറ്റ് നേടിയ ( 8 കളികളിൽ 48 വിക്കറ്റ് ) കളിക്കാരൻ കൂടിയാണ് ബുറ.

ശരിയായ സമയത്ത്  യോർക്കർ പന്തെറിയാനും ഡെത്ത് ഓവറുകളിൽ മികച്ച പ്രകടനം നടത്താനുമുള്ള കഴിവുമാണ് ജസ്പ്രീത് ബുംറയെ ശ്രദ്ധേയൻ ആക്കിയത് .  അസാധാരണമായ , സ്ലിംഗ്- ആം ആക്ഷനും സ്വാഭാവിക വേഗതയും അദ്ദേഹത്തിനുണ്ട്, അദ്ദേഹത്തിന്റെ ഡെലിവറികളുടെ ഒരു പ്രത്യേക റിലീസ് പോയിന്റ് ബാറ്റ്സ്മാന്മാർക്ക് നേരത്തേ കൂട്ടി മനസിലാക്കാൻ ബുദ്ധിമുട്ടാണ്. ഓഫ് സ്റ്റമ്പിന് പുറത്ത് അല്ലെങ്കിൽ ഹ്രസ്വമായി അദ്ദേഹം പന്തെറിയുന്നു.   ഇന്ത്യൻ ടീമിൽ തനതായ സ്ഥാനം നേടി  , ഡെത്ത് ഓവറുകളിൽ ഇന്ത്യയുടെ സ്പെഷ്യലിസ്റ്റായി അദ്ദേഹം ഇപ്പോൾ നിൽക്കുന്നു.

എന്റെ ശേഖരണത്തിലെ  ജസ്പ്രീത് ബുംറ യുടെ ചിത്രമുള്ള തീപ്പെട്ടി താഴെ ചേർക്കുന്നു....

12-11-2020- ചിത്രത്തിനു പിന്നിലെ ചരിത്രം(55) - നെപ്പോളിയൻ

       

ഇന്നത്തെ പഠനം
അവതരണം	രാജീവൻ കാഞ്ഞങ്ങാട്
വിഷയം	ചിത്രത്തിനുപിന്നിലെ ചരിത്രം
ലക്കം	55

 നെപ്പോളിയൻ

നെപ്പോളിയൻ ബോണപ്പാർട്ട് ( 15 ഓഗസ്റ്റ് 1769 – 5 മെയ് 1821) ഒരു പതിറ്റാണ്ടു കാലം (1804- 1814) ഫ്രഞ്ച് ചക്രവർത്തിയും സൈനികമേധാവിയുമായിരുന്നു. 1789-ലെ ഫ്രഞ്ചു വിപ്ലവത്തെ തുടർന്ന് 1792 സെപ്റ്റംബറിൽ അധികാരമേറ്റ ഒന്നാം റിപ്പബ്ലിക്കൻ ഭരണകൂടത്തിന്,സ്വന്തം നിലനില്പിനായി യൂറോപ്പിലെ മറ്റു രാജ്യങ്ങളുമായി നിരന്തരം പോരാടേണ്ടി വന്നു. ഫ്രഞ്ചു വിപ്ലവയുദ്ധങ്ങൾ(French Revolutionary Wars)എന്ന് ചരിത്രത്തിൽ അറിയപ്പെടുന്ന ഈ യുദ്ധങ്ങളിലാണ് നെപ്പോളിയൻ സൈനികനെന്ന നിലയിൽ രാഷ്ട്രത്തിന്റെ ശ്രദ്ധ പിടിച്ചു പറ്റിയത്. അതേ സമയത്ത് ഫ്രാൻസിന്റെ ആഭ്യന്തരസ്ഥിതിയും സങ്കീർണമായിരുന്നു.വിപ്ലവാനന്തരം നിലവിൽ നിന്ന ജനപ്രതിനിധിസഭക്ക് നിരന്തരം പേരുമാറ്റം സംഭവിച്ചു- നാഷണൽ അസംബ്ലി (ഫ്രഞ്ചു വിപ്ലവം)(ജൂൺ -ജൂലൈ 1789) നാഷണൽ കോൺസ്റ്റിറ്റ്യുവന്റ് അസംബ്ലി(ഫ്രാൻസ്)(1789 ജൂലൈ- 1791സപ്റ്റമ്പർ ), ലെജിസ്ലേറ്റീവ് അസംബ്ലി( 1791 ഒക്റ്റോബർ-1792 സപ്റ്റമ്പർ) എന്നിങ്ങനെ. 1792 സപ്റ്റമ്പറിൽ പൊതു തെരഞ്ഞെടുപ്പിലൂടെ അധികാരത്തിൽ വന്ന പ്രഥമ ഫ്രഞ്ചു റിപബ്ലിക്കിന്റെ(1792 സപ്റ്റമ്പർ.-1799 നവമ്പർ) ഭരണഭാരം നാഷണൽ കൻവെൻഷനിൽ നിക്ഷിപ്തമായിരുന്നു . 1793-94 കാലത്തെ ഭീകരവാഴ്ചക്കു ശേഷം 1795-ൽ നാഷണൽ കൺവെൻഷനു പകരമായി ഡയറക്റ്ററി എന്ന പേരിൽ നേതൃത്വകൂട്ടായ്മയും രണ്ടു മണ്ഡലങ്ങളുള്ള ജനപ്രതിനിധി സഭയും ഭരണമേറ്റു. 1799-ൽ ഡയറക്റ്ററിയേയും രണ്ടു ജനപ്രതിനിധിസഭകളേയും അട്ടിമറിച്ച് കോൺസുലേറ്റ്' എന്ന ഭരണസംവിധാനം നടപ്പിലാക്കാൻ നെപ്പോളിയൻ മുൻകൈയെടുത്തു. രാഷ്ട്രത്തലവനെന്ന് സ്വയം പ്രഖ്യാപിച്ചില്ലെങ്കിലും, കോൺസുലേറ്റിന്റെ മുഖ്യ നേതാവെന്ന നിലക്ക് തുടർന്നുള്ള അഞ്ചു കൊല്ലങ്ങൾ നെപ്പോളിയൻ സ്വേഛാഭരണം നടത്തി. 1804-ൽ കോൺസുലേറ്റ് പിരിച്ചുവിട്ട് സ്വയം ചക്രവർത്തി പദമേറ്റു ഫ്രാൻസിനെതിരെ അണിനിരന്ന യൂറോപ്യൻ സൈനിക ശക്തികളുടെ മേൽ നേടിയ വിജയം അദ്ദേഹത്തെ ലോകത്തിലെ ഏറ്റവും മികച്ച പട്ടാളമേധാവികളിലൊരാൾ എന്ന പ്രശംസക്കു അർഹനാക്കി. നെപ്പോളിയൻ യൂറോപ്പിലാകമാനം തന്റെ ആധിപത്യം സ്ഥാപിക്കാൻ പരിശ്രമിച്ചു. നെപ്പോളിയന്റെ ഈ നീക്കത്തിനെതിരെ മറ്റു യൂറോപ്യൻ ശക്തികൾ പലതവണ സംഘം ചേർന്ന് യുദ്ധത്തിനിറങ്ങി. ബ്രിട്ടന്റെ നേതൃത്വത്തിൽ നടന്ന പ്രസിദ്ധമായ വാട്ടർലൂ യുദ്ധത്തിൽ നെപ്പോളിയൻ പരാജിതനായി രാഷ്ട്രീയാഭയം തേടിയ നെപ്പോളിയനെ ബ്രിട്ടീഷു ഭരണാധികാരികൾ സെന്റ് ഹെലന ദ്വീപിലേക്ക് നാടു കടത്തി. 1821 മേയ് 5 ന് അൻപത്തിഒന്നാം വയസ്സിൽ സെന്റ് ഹെലെനയിലെ ലോംഗ്‌വുഡിൽ വച്ച് ഇദ്ദേഹം നിര്യാതനായി. ഉദരത്തിലെ കാൻസറായിരുന്നു മരണകാരണമെന്ന് പോസ്റ്റ്മോർട്ടം റിപ്പോർട്ട് രേഖപ്പെടുത്തുന്നു.