16-10-2020- റിപ്പബ്ലിക് ഇന്ത്യ നാണയങ്ങൾ- FAO coins, Year 1995

   

ഇന്നത്തെ പഠനം
അവതരണം	BMA കരീം പെരിന്തൽമണ്ണ
വിഷയം	റിപ്പബ്ലിക് ഇന്ത്യ നാണയങ്ങൾ
ലക്കം	52

  FAO coins, Year 1995
  "ലോക ഭക്ഷ്യ-കാർഷിക സംഘടനയുടെ സുവർണ്ണ ജൂബിലി"

ഇന്ന് ലോക ഭക്ഷ്യ-കാർഷിക ദിനം. ലോക ഭക്ഷ്യ-കാർഷിക (FAO) സംഘടനയുടെ സ്ഥാപക ദിനമായ 16നാണ് എല്ലാ വർഷവും ലോക ഭക്ഷ്യ ദിനം ആചരിക്കുന്നത്. 1979 ൽ നടന്ന 20ആം FAO പൊതു സമ്മേളനത്തിലാണ് ഭക്ഷ്യ ദിനം ആചരിക്കുന്നത് സംബന്ധിച്ച തീരുമാനം ഉണ്ടായത്. 1981 മുതലാണ് ലോക ഭക്ഷ്യ ദിനം ആചരിക്കാൻ തുടങ്ങിയത്. ഇന്ന് 20ആമത്തെ ലോക ഭക്ഷ്യ ദിനം ആണ്.

ഭക്ഷ്യ മേഖല നേരിടുന്ന പ്രധാന വെല്ലുവിളികളെക്കുറിച്ചും കുതിച്ചു കൊണ്ടിരിക്കുന്ന ഭക്ഷ്യാവിശ്യങ്ങളെക്കുറിച്ചും അവബോധമുണർത്തി സുസ്ഥിര കൃഷിയും ഭക്ഷ്യവിതരണവും വ്യാപിപ്പിക്കാൻ ആഹ്വാനം ചെയ്യുന്ന സന്ദേശങ്ങൾ എത്തിക്കുന്ന പരിപാടികൾ ഓരോ വർഷവും ഈ ദിനത്തിൽ ലോകമെമ്പാടും നടത്തുന്നു.

ഈ വർഷത്തെ സന്ദേശം ഇതാണ്.

 " ഒരുമിച്ചു വളർത്തുക, പരിപോഷിപ്പിക്കുക , നിലനിൽക്കുക. 

 നമ്മുടെ പ്രവർത്തനങ്ങളാണ് നമ്മുടെ ഭാവി നിർണ്ണയിക്കുന്നത്" 

 (Grow, Nourish, Sustain Together. Our Actions are Our Future) 

ഇന്നത്തെ ഭക്ഷ്യ ദിനത്തിന് ഒരു പ്രത്യേകതയുണ്ട്. ഇന്ന് ലോക ഭക്ഷ്യ-കാർഷിക സംഘടന സ്ഥാപിച്ചതിൻറെ 75ആം വാർഷികമാണ്.

ഈ അവസരത്തിൽ ഇന്ത്യ 75 രൂപയുടെ സ്മരണിക നാണയം പുറത്തിറക്കുമെന്ന വാർത്ത വന്നിട്ടുണ്ട്.

1995ൽ ലോക ഭക്ഷ്യ-കാർഷിക സംഘടനയുടെ സുവർണ്ണ ജൂബിലി ആഘോഷിച്ച അവസരത്തിൽ ഇന്ത്യ പുറത്തിറക്കിയ 5 രൂപ നാണയത്തെ കുറിച്ചാണ് ഇന്നത്തെ ലക്കത്തിൽ പ്രതിപാദിച്ചിട്ടുള്ളത്.