29-04-2017- കറൻസി പരിചയം- എറിത്രിയൻ കറൻസി

ഇന്നത്തെ പഠനം
അവതരണം	Sulfeeqer Pathechali
വിഷയം	കറൻസി പരിചയം
ലക്കം	35

എറിത്രിയൻ കറൻസി

 
1997 വരെ എറിത്രിയയിൽ Ethopian birr ആയിരുന്നു Legal tender.  എറിത്രിയയിലെ ഒരു പട്ടണമായ Nakfa (നക്‌ഫ) യുടെ പേര് നൽകികൊണ്ട് 1997 നവംബർ 8-ന് Ethopian birr -ന് പകരം Nakfa എറിത്രിയയുടെ  ദേശീയ കറൻസിയായി നിലവിൽ വന്നു. എറിത്രിയയുടെ തലസ്ഥാനമായ അസ്‌മാറയിൽ സ്ഥിതി ചെയ്യുന്ന Bank of Eritria (Central Bank) ആണ് Nakfa ഇഷ്യൂ ചെയ്യുന്നത്. 1, 5, 10, 50, 100 എന്നീ denomination-കളിൽ Nakfa പുറത്തിറങ്ങുന്നു.

അമേരിക്കയിലെ കറുത്ത വർഗ്ഗക്കാരനായ Clarence Holbert എന്ന വ്യക്തിയാണ്  നിലവിലുള്ള ബാങ്ക് നോട്ടുകൾ ഡിസൈൻ ചെയ്തിട്ടുള്ളത്. ജർമ്മനിയിലെ Giesecke & Devrient (G&D) എന്ന കമ്പനിയാണ് ഇവ പ്രിന്റ് ചെയ്യുന്നത്. നോട്ടിന്റെ മുൻവശത്ത്  എറിത്രിയയിലെ വ്യത്യസ്ത ഗോത്രങ്ങളിലെ ജനവിഭാഗങ്ങളെയും പിൻവശത്ത് രാജ്യത്തെ വിവിധ പ്രദേശങ്ങളിലെ സാധാരണ കാഴ്ചകളെയും ചിത്രീകരിച്ചിരിക്കുന്നു. അതേ സമയം, നാണയങ്ങളിൽ എറിത്രിയയിൽ സാധാരണ കണ്ടു വരുന്ന പക്ഷി-മൃഗാദികളുടെ ചിത്രങ്ങളാണ് നൽകിയിട്ടുള്ളത്.

2015 നവംബർ 18 -നും ഡിസംബർ 31-നും ഇടയിൽ Bank of Eritria എല്ലാ denomination-കളിലുള്ള നോട്ടുകളും Replace ചെയ്യാനാരംഭിച്ചു. കള്ളപ്പണം വെളുപ്പിക്കുന്നത് തടയുക , അനൗദ്യോഗികമായ വിദേശ നാണയ വിനിമയം ഇല്ലാതാക്കുക, വ്യാജ കറൻസികൾ പിടികൂടുക, മനുഷ്യ കടത്ത് തടയുക, നികുതി വെട്ടിപ്പ് തടയുക എന്നിവയായിരുന്നു   കറൻസി മാറ്റത്തിന്റെ പ്രധാന ലക്ഷ്യങ്ങൾ. 2016 ജനുവരി 1-ന് പഴയ Nakfa ബാങ്ക് നോട്ടുകൾ പൂർണ്ണമായും പിൻവലിച്ചു. വളരെ  രഹസ്യമായിട്ടായിരുന്നു ഇവ തീരുമാനിക്കപ്പെട്ടത്. തന്മൂലം വൻതോതിൽ പൂഴ്ത്തിവെക്കപ്പെട്ട പഴയ നോട്ടുകൾ ഒറ്റദിവസം കൊണ്ട് വെറും കടലാസു കഷ്ണങ്ങളായി മാറി.(മൂല്യം നഷ്ടപെട്ടു).